Matayo 6:25 - Indagano Inyaaya mu-Chijita

²⁵ “Mbe enibhabhwira ati, mwasiga okuyaya inguru ya obhurame bhwemwe ati, murirya ki, murinywa ki, amwi murifwara ki. Angu, murabhiiywe ati, obhurame bhuri na indiyo okukira ebhiryo, na omubhiri guri na indiyo okukira emyenda?

INDAGANO INYA:YA

²⁵ Nikwo enikora nimbabwira ati, Mute:ganaga obuanga bwemwe ati, Cirirya ki? amwi, Cirinywa ki? amwi mutaganiraga emibiri jemwe ati, Cirifwara ki? ?Obuanga butakukira ebiryo, no mubiri gutakukira ebifwaro?

Matayo 6:25 Referans Kwoze

Bafilipi 4:6

Musige okusurumbara inguru ya echiinu choonechoone, tari mu‑joone, musabhwe Nyamuwanga, mumwirembeeresye aamwi na okumusiima. Obhukene bhwemwe bhumenyekane ku‑mwene.

1 Petero 5:7

Muyaane Nyamuwanga jinyaako jeemwe joone, kwa okubha kaabhegana muno.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

Matayo 6:31

“Kurwa ejo, mwasiga okuyaya nimwibhuusyaga ati, ‘Echija okurya ki?’ Amwi ati, ‘Echija okunywa ki?’ Amwi ati, ‘Echija okufwara ki?’

Mariko 4:19

nawe, abhajigwa muno na obhwiganirisya bhwa obhurame bhwa ku‑chaaro anu na okubhona ribhona ryafu na okurigira ebhiinu ebhindi. Ejo ejiyiganya omusango gwa Nyamuwanga, nigutaamibhwa okutwasya amatwasyo mu‑bhurame bhwebhwe.

Matayo 10:19

Bhaakabhasira, mw‑iramuriro eyo, mwasiga okuyaya ati, omuja okwayika ki. Nyamuwanga aribhayaana emisango ja okwayika ku‑mwanya ogwo.

1 Bakorinto 7:32

Eneenda mwasiga okubha na echiwerewere inguru ya emisango ja obhurame bhunu. Omuunu unu achaari okutwara, kaafurubhendera emirimu ja Raatabhugenyi, keeganirisya kutyo arikondisya Raatabhugenyi.

Matayo 6:34

Kurwa ejo, mwasiga okuyaya inguru ya mutondo, kwa okubha mutondo iri na jinyaako jaayo. Bhuri rusuku, ruri na jinyaako jarwo jinu jirwiyire.

2 Timoteo 2:4

Omusirikare woonewoone unu kaakora emirimu ja echisirikare, keeyingirira okukora emirimu ejindi jinu jitari ja echisirikare. Kaakora kutyo korereki akondisye omukuru waaye era.

Ruuka 8:14

“Jimbibho jinu ꞉jaaguuwe mu‑mawa, ejisusanyibhwa na abhaanu bhanu abhoongwa omusango gwa Nyamuwanga, nawe nibhayiganywa na obhwiganirisya bhwa obhurame bhwa ku‑chaaro na obhurigire bhwa obhuniibhi. Ejo nijo ejikora eriikirisya ryebhwe ritakusoosya amatwasyo ga ekisi.

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Ruuka 12:11

“Bhaakabhasira mu‑nju ja ameekofyanyo geebhwe, imbere ya abhatungi na imbere ya abhakuru, mwasiga okuyaya inguru ya emisango jinu omuja okwayika mu‑kwibhagira.

Mariko 13:11

Omwanya gunu abhaanu abho bharibhagwata na okubhasira mu‑maramuriro na okubharamura, mwasiga okuyaya ati, omuja okwayika ki. Mwayike jinu Nyamuwanga aribhayaana omwanya ogwoogwo. Mutari emwe bhanu muribha nimwayika, tari Mwoyo Mweru unu ari mu‑myoyo jeemwe niwe aribhaga naayika okutura kw‑imwe.