Matayo 5:9 - Indagano Inyaaya mu-Chijita

⁹ Bhari na ribhando bhanu abhagwatanya abhaanu bhanu bhasokeene, kwa okubha Nyamuwanga aribhatoga ati, ni bhaana bhaaye.

INDAGANO INYA:YA

⁹ Barina ribando abaikanya bo mure:bo, kwo kuba abo baritogwa ba:na ba Nyamuanga.

Matayo 5:9 Referans Kwoze

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Barumi 12:18

Mbe, rwa kutyo ejiturikana, emwe ku‑rubhaara rwemwe, mubhe na omurembe na abhaanu bhoone.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Barumi 8:14

Bhoone bhanu abhatangasibhwa na Mwoyo wa Nyamuwanga, abho nibho abhaana bha Nyamuwanga.

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

2 Bakorinto 13:11

Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

Bakolosai 3:13

Mwigumiirisyanye na okufwirana echigongo. Araabha owumwi weemwe ari na omusango ku‑weejaabho, abheendwa bhafwirane echigongo. Rwa kutyo Raatabhugenyi Yeesu ꞉aabhafwiriiye echigongo emwe, emwe wone mufwire echigongo abhandi.

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

Ebikorwa 7:26

Mwejo yende‑ko, ˆnaasongʼana Abhayisirayeeri bhabhiri nibharwanaga. ˆNaaregeeja okubhagwatanya, ˆnaabhabhwiraga ati, ‘Emwe muri bhamwi! Mbawo omuwutaasyanya?’

Matayo 5:45

Mbe, mukakora kutyo, ejibhonekana ati, chimari emwe muri abhaana bha Esomwana unu ari mu‑rwire. Omwene niwe kaamirikira risuubha abhaanu abha ebhikorwa ebhibhiibhi na abha ebhikorwa bhya ekisi. Ka wone, kaagwisisya ingʼubha abharengeresi aamwi na bhanu bhatari bharengeresi.

1 Bakorinto 6:6

Nawe emwe, muri na itungwa ya omuunu okusitaaka omwikirisya oweejaanyu mw‑iramuriro, ka wone ku‑bhaanu bhanu bhatari bheekirisya!

Bafilipi 4:2

Eniirembeeresya muno Ewodiya na Sitiike, bhabhe na obhwira bhumwi kwa okubha abheene abharuubha Raatabhugenyi Yeesu.

Ruuka 20:36

na bhatarifwa rindi. Bharibha bhaanga rwa bhamaraayika, na abhaana bha Nyamuwanga, kwa okubha bharisuururwa okusooka mu‑bhafuuwe.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Barumi 8:16

Mwoyo oyo omwene kaakomeeresya mu‑myoyo jeeswe ati, chiri bhaana bha Nyamuwanga.

Barumi 8:19

Ebhiinu bhyone bhinu ꞉bhyabhumbirwe, ebhirindirira kwa obhwiro bhwafu omwanya gunu Nyamuwanga ariswerura abhaana bhaaye.