Matayo 5:20 - Indagano Inyaaya mu-Chijita

²⁰ Mbe, enibhabhwira ati, araabha obhurengeresi bhwemwe bhutakukira obhurengeresi bhwa Abhafarisaayo na obhwa abheeyigisya bha ebhiraagiro bhya Muusa, mutaringira noorwo na akatyari mu‑bhukama bhwa mu‑rwire.

INDAGANO INYA:YA

²⁰ Kwo kuba enibabwira ati, oburenge:resi bwemwe bukaremo:kira obwa bandiki na Bafarisayo, mutaringira mu bukama bwa mu rwire na katyari.

Matayo 5:20 Referans Kwoze

Bafilipi 3:9

ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Matayo 7:21

“Itari ati, bhuri muunu unu kaatogora ati, ‘Raatabhugenyi, Raatabhugenyi,’ ariingira mu‑bhukama bhwa mu‑rwire. Nawe omuunu unu kaakora okwenda kwa Raata waani unu ari mu‑rwire, oyo niwe aribhwingira.

Obhusweruro 21:27

Nawe echiinu choonechoone chinu chiri echijabhi chitariingira mu‑musi omwo noorwo na akatyari, noorwo omuunu woonewoone unu kaakora emisango jinu ejifuruurusya amwi ja orubheeyi. Tari bhanu bhariingira mu‑musi omwo ni bharya era bhanu amasiina geebhwe gakaamirwe mu‑chitabho cha obhuwanga cha Omwana wa Inaama.

Ruuka 18:17

Ni chimari enibhabhwira ati, omuunu woonewoone unu atakwikirisya obhukama bhwa Nyamuwanga rwa omwana omutooto, omuunu oyo atakutura okwingira mu‑bhukama bhwa Nyamuwanga.”

Ruuka 12:1

Omwanya ogwo, abhaanu ebhiwumbi na ebhiwumbi, bhaariga bheekofyanyiisye eyo, nibhakingira okutajana. Yeesu ˆnaamba okubhwira abheeyigisibhwa bhaaye ati, “Mwikenge obhwirimaanya bhwa Abhafarisaayo kwa okubha obhwirimaanya obhwo obhuswirana rwa echifwimbya.

Ruuka 11:44

Jiribhabhona emwe, kwa okubha muri rwa ebhituuro bhinu bhitakubhonekana wuri, ka abhaanu abhatura‑ko nibhabhitaja okumenya wuri ati ni musiro.”

Mariko 10:25

Ni bhwangu ingamiya okwiyiganya mw‑iwundu rya isinga okukira omuniibhi okwingira mu‑bhukama bhwa Nyamuwanga!”

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

Matayo 18:5

Ka wone, omuunu woonewoone unu kaakuma omwana omutooto rwa unu kw‑isiina ryani, kaabha aankumire.

Matayo 3:10

Woori indamu ya Nyamuwanga iri inguru yeemwe rwa imbasa inu iteeywe ku‑masina ga amati. Abhaanu bhanu bhatakukora ebhikorwa bhya ekisi bhariramurwa, rwa kutyo bhuri riiti rinu ritakutwasya amatwasyo ga ekisi eritemwa na okweswa mu‑muriro.

Matayo 16:12

Niwo, abheeyigisibhwa bhaaye nibhasombookerwa ati aariga atakubhabhwira okwikenga echifwimbya cha okufwimbya emikaate, tari inguru ya okwikenga ameeyigisyo ga orubheeyi ga Abhafarisaayo na Abhasadukaayo.

2 Bakorinto 3:9

Ka wone, araabha obhukosi bhunu obhukora abhaanu okuramurwa bhuri na rikusyo, obhukosi bhunu obhukora abhaanu okubha abharengeresi imbere ya Nyamuwanga, bhuribha na rikusyo enene muno!