Matayo 4:9 - Indagano Inyaaya mu-Chijita

⁹ ˆnaamubhwira ati, “Araabha ukandamya, enikuyaana bhyone bhinu.”

INDAGANO INYA:YA

⁹ Namubwira ati, Binu byone enijo:kuyana, uke:nama okundamya.

Matayo 4:9 Referans Kwoze

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

Yowana 16:11

Aribhaga ˆnaabheeresya ati Nyamuwanga aribharamura, kwa okubha aaramuuye Syetaani omukuru wa echaaro chinu.

1 Timoteo 3:6

Ka wone, asige okubha omuunu unu aamamara okuchunguka, korereki aasiga okwikuuya. Okwikuuya okwo okutura okumukora aramurwe rwa kutyo Syetaani ꞉aaramuuywe.

Obhusweruro 19:16

Ku‑mwingiro gwaye gunu guswikiiye ribhaajwa ryaye, rikaamirwe‑ko risiina rinu, Omukama wa abhakama na Raatabhugenyi wa bharaatabhugenyi.

Yowana 14:30

Nitakutura okwayika na emwe emisango myafu rindi, kwa okubha Syetaani, omukuru wa echaaro chinu kaaja. Nawe atari na obhuturo inguru yaani.

Yowana 13:3

Yeesu ꞉aamenyere ati Esemwene ꞉aamuyaaye obhuturo bhwa okutunga ebhiinu bhyone. Ka wone, aariga amenyere ati ꞉aasookere ku‑Nyamuwanga, na ati arisubha ku‑Nyamuwanga.

Yowana 12:31

Woori gwakinga omwanya gwa Nyamuwanga okuramura echaaro chinu. Woori gwakinga omwanya gwa Nyamuwanga okubhirimya Syetaani okusooka ku‑bhutungi bhwa ku‑chaaro kunu.

Matayo 26:15

ˆnaabhabhuusya ati, “Omuja okundiya ki araabha nikatuura Yeesu mu‑mabhoko geemwe?” Niwo nibhamuriya jipirya makumi gasatu.

Matayo 4:10

Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”