Matayo 4:25 - Indagano Inyaaya mu-Chijita

²⁵ Mbe, abhaanu bhaafu muno okusooka Gariraaya, Dekapoori, Yerusareemu, Yuudeya na ku‑njekekera ya omusima gwa Yorodaani nibhamuruubha.

INDAGANO INYA:YA

²⁵ Ebise byafu mbimuru:ba mbiso:ka Galilaya na Dekapori na Yerusalemi ne Buyaudi na ku mwambuko gwa Yorodani.

Matayo 4:25 Referans Kwoze

Ruuka 6:17

Yeesu ˆneeka okusooka ku‑chiima, aamwi na jitumwa jaaye. Ejire aakinga ku‑seerera, ˆneemereeguru. Ku‑seerera awo niwo bhaariga bheekumanyiisye abheeyigisibhwa bhaaye bhaafu na echise cha abhaanu abhandi okusooka mbaara joone ja omukoowa gwa Yuudeya na mu‑musi gwa Yerusareemu, na okusooka ku‑ngego ya emisi ja Tiiro na Sidooni. Abhaanu abho ꞉bheejire awo, okutegeresya Yeesu na okuwosibhwa amarwara geebhwe.

Mariko 5:20

Awoawo omuunu oyo ˆnaagenda, ˆnaamba okuraasya emisango ejo mu‑misi ja Dekapoori, emisango emikomeeye jinu Yeesu aamukorera. Abhaanu bhoone nibharuguura.

Mariko 7:31

Niwo Yeesu ˆnaasooka orubhaara rwa omusi gwa Tiiro, ˆnaayitingʼana agatigati ya Sidooni, ˆnaagenda mu‑chaaro cha Dekapoori yeeyi na inyanja ya Gariraaya.

Ruuka 6:19

Abhaanu abho bhoone, bheendaga okumukuunʼya‑ko, kwa okubha obhuturo bhwa okuwosya bhwariga nibhumusooka‑ko, na okubhawosya bhoone.

Mariko 6:2

Orusuku rwa Isabhaato rwejire rwakinga, ˆnaamba okwiyigisya abhaanu mu‑nju ya eriikofyanyo. Abhaanu bhaafu bhanu ꞉bhaamutegeresiisye bhaariga nibharuguura, nibhabhuusyanyaga ati, “Yego! Ka unu abhwene aaki emisango jinu joone? Ka wone, abhwene aaki obhwengeeso bhwone bhunu na obhuturo bhwa okukora ebhiruguusyo rwa ebhyo?

Matayo 19:2

Ebhise bhyafu bhya abhaanu nibhamuruubha eyo, omwene ˆnaawosya abharwaye bheebhwe.

Matayo 12:15

Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye.

Matayo 8:1

Yeesu ejire aasooka ku‑chiima, ebhise bhyafu bhya bhaanu nibhimuruubha.

Matayo 5:1

Mbe, Yeesu ejire aarora ebhise bhya abhaanu, ˆnaariinya ku‑chiima, ˆneenyanja okwo. Niwo abheeyigisibhwa bhaaye nibhamujaa‑ko.

Matayo 4:15

“Mutegeresye, emwe abhaanu bha echaaro cha Jaabhurooni na cha Naafitaari, jimbaara jinu jiri ku‑njira ya okurosya ku‑nyanja, na ku‑ngego ya omusima gwa Yorodaani, mu‑Gariraaya anu bheekaaye abhaanu bha amaanga agandi.