Matayo 3:6 - Indagano Inyaaya mu-Chijita

⁶ Abhaanu abho, bhaariga nibhegamba ebhibhiibhi bhyebhwe na omwene ˆnaabhabhatiija mu‑musima gwa Yorodaani.

INDAGANO INYA:YA

⁶ Nababatija mu musima gwa Yorodani nibegamba ebibi:bi byebwe.

Matayo 3:6 Referans Kwoze

Ebikorwa 19:18

Awo abhaanu bhaafu bhanu ꞉bheekirisiisye Yeesu, bhaariga nibhata imbere ya abhaanu ebhikorwa bhyebhwe ebhibhiibhi bhinu bhaariga bhakorere.

1 Yoana 1:9

Tari, araabha chikata ebhibhiibhi bhyeswe, Nyamuwanga kaachifwira echigongo ebhibhiibhi bhyeswe na okucheesya obhujabhi bhwone, kwa okubha omwene ni mwiyikanyibhwa ka wone ni murengeresi.

Baeburania 9:10

Okubha emisango ejo jaariga jiri ja echinyamubhiri, ja ebhiryo, ja ebhinywebhwa, na eja okwiyesya emibhiri era. Ejo joone jiriwaa‑wo omwanya gunu Nyamuwanga arituura‑wo obhutinge obhuyaaya.

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Baeburania 6:2

Chisigega okusubhiirira rindi okwiyigira ameeyigisyo ga obhubhatiijo, ga okutuurira‑ko abhaanu amabhoko, ga abhafuuwe okusuuruka na ga indamu ya kajaanende koone.

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

1 Bakorinto 10:2

Jiri wuti ꞉bhaabhatiijiibhwe mu‑riire na mu‑nyanja okubha abharuubhirisya bha Muusa.

Ebikorwa 22:16

Woori owurindirira ki? Imereeguru! Ubhatiijibhwe, weesibhwe ebhibhiibhi bhyawo, usabhwe Nyamuwanga akufwire echigongo.’

Ebikorwa 11:16

Niwo niniichuka omusango gurya Raatabhugenyi Yeesu ꞉aachibhwiriiye ati, ‘Yowana ꞉aabhatiijiisye abhaanu mu‑manji, nawe emwe muribhatiijibhwa kwa Mwoyo Mweru.’

Ebikorwa 1:5

Okubha, Yowana ꞉aabhatiijiisye abhaanu mu‑manji, nawe jisiku jitari nyafu emwe omuja okubhatiijibhwa kwa Mwoyo Mweru.”

Ruuka 3:16

Nawe Yowana ˆnaabhasubhya ati, “Chimari anye enibhabhatiija mu‑manji era. Nawe ariija omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Mariko 1:5

Abhaanu bhaafu bhaariga nibhamuuja‑ko okusooka mu‑musi gwa Yerusareemu na mu‑mukoowa gwone gwa Yuudeya. Abhaanu abho, bhaariga nibhegamba ebhibhiibhi bhyebhwe, na omwene ˆnaabhabhatiija mu‑musima gwa Yorodaani.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

Yakobo 5:16

Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.

Ruuka 1:16

Arisubhya Abhayisirayeeri bhaafu ku‑Nyamuwanga, Raatabhugenyi weebhwe.