Matayo 28:6 - Indagano Inyaaya mu-Chijita

⁶ Atari‑wo anu! Aasuuruka okusooka mu‑bhafuuwe, rwa kutyo aariga abhabhwiriiye. Muuje murore anu bhaariga bhamumaamiisye.

INDAGANO INYA:YA

⁶ Atariwo anu, okuba asu:kire rwa kutyo a:ikire. Nimu:je murore anu Ratabugenyi ariga ama:mibwe.

Matayo 28:6 Referans Kwoze

Mariko 16:6

Niwo ˆnaabhabhwira ati, “Musige okutangʼangʼara. Enimenya ati omuyenja Yeesu wa Najareeti, unu ꞉aabhambirwe ku‑musarabha. Aasuuruka, atari‑wo anu! Murore anu ꞉bhaamumaamiisye.

Matayo 12:40

Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi, nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

Ruuka 24:23

bhaasongʼana omubhiri gwaye gutari‑mo mu‑fwa. Nibhaaja nibhachibhwira ati, bhaasoromokerwa na bhamaraayika. Bhamaraayika abho, nibhabhabhwira ati, Yeesu ni muwanga.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Matayo 27:63

Nibhabhwira Piraato ati, “Mwami, echiichuka ati bhunu omubheeyi urya aariga achaari muwanga, ꞉aayikire ati, ‘Ku‑rusuku rwa kasatu, nirisuuruka okusooka mu‑bhafuuwe.’

Yowana 2:19

Yeesu ˆnaabhasubhya ati, “Mufumye Riyekaru rinu, na anye niriryumbaka rindi ku‑mwanya gwa siku esatu.”

Mariko 8:31

Neeya Yeesu ˆnaamba okwiyigisya abheeyigisibhwa bhaaye ati jeenderwe omwene, Omwana wa Omuunu, anyaasibhwe muno, aremwe na abhakuru bha Abhayawudi, na abhakuru bha abhagabhisi, na abheeyigisya bha ebhiraagiro bhya Muusa, eetwe na ku‑rusuku rwa kasatu, arisuuruka.

Yowana 10:17

“Raata aanyendere, kwa okubha enisoosya obhuwanga bhwani, korereki nibhuramire rindi.

Ruuka 24:12

Nawe Peetero ˆneemuka, ˆnaabhirima okuja ku‑fwa. Ejire aakinga ˆneenama okusungurira mu‑fwa omwo, ˆnaarora risanda eryene era. ˆNaasubha iika enu ˆnaaruguuraga inguru ya emisango jinu jaakorekana.

Matayo 20:19

Ku‑bhuteero, bharintuura mu‑mabhoko ga abhaanu bhanu bhatari Bhayawudi, korereki bhansiijaake, bhambume na jijaridi, na okumbumiirira ku‑musarabha. Nawe ku‑rusuku rwa kasatu, Nyamuwanga arinsuurura.”

Matayo 17:23

Abheeyigisibhwa bhaaye bhejire bhoongwa ejo, nibhasurumbara muno.

Matayo 17:9

Omwanya gunu bhaariga bhachooromoka okusooka ku‑chiima okwo, Yeesu ˆnaabharagirira ati, “Mutarija okubhwira omuunu woonewoone jinu mwarora, okukingira omwanya gunu anye Omwana wa Omuunu, nirisuuruka okusooka mu‑bhafuuwe.”

Ebikorwa 2:24

Nawe Nyamuwanga ˆnaamusoosya‑ko obhusungu obhururu bhwa orufu, kwa okumusuurura okusooka mu‑bhafuuwe, kwa okubha ꞉itaakaturikeene Yeesu agwatirirwe na amanaga ga orufu!