Matayo 27:43 - Indagano Inyaaya mu-Chijita

⁴³ Omwene keeyikanya Nyamuwanga, ꞉aayikire ati, ‘Anye ni Mwana wa Nyamuwanga.’ Mbe, Nyamuwanga amuwonʼye woori araabha chimari kaamwenda.”

INDAGANO INYA:YA

⁴³ Eikanyisye Nyamuanga, na:mukisye wori araba kamwenda, okuba aikire ati, Anye ndi Mwana wa Nyamuanga.

Matayo 27:43 Referans Kwoze

Yowana 10:36

Raata niwe ꞉aansorere na okuntuma ku‑chaaro kunu. Angu woori, ni kurwa ki omwayika ati, anye enifumiirisya Nyamuwanga omwanya gunu enaayika ati, ‘Anye niri Mwana wa Nyamuwanga’?

Yowana 19:7

Abhatangasya bha Abhayawudi abho nibhamusubhya ati, “Eswe chiri na echiraagiro. Okuruubhana na echiraagiro echo, keendwa eetwe, kwa okubha keekora wuti ni Mwana wa Nyamuwanga.”

Yowana 10:30

Anye na Raata chiri chiinu chimwi.”

Matayo 27:40

“Awe unu weeroraga ati ukafumiisye Riyekaru rya Nyamuwanga na okuryumbaka rindi ku‑mwanya gwa siku esatu, iwonʼya omwene. Mbe, araabha chimari uri Mwana wa Nyamuwanga, iika okusooka ku‑musarabha okwo!”

Matayo 27:54

Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”

Ruuka 23:35

Abhaanu bhaariga bheemereeguuyu awo, nibharoraga jinu jaariga nijikorekana. Abhakuru bha Abhayawudi nibhamusiijaaka nibhaayikaga ati, “Mbawo aawonʼyaga abhandi! Mbe, woori eewonʼye omwene, araabha chimari niwe Kirisito omusorwa wa Nyamuwanga.”

Ruuka 23:37

Nibhamubhwira ati, “Araabha chimari naawe omukama wa Abhayawudi, iwonʼya omwene!”