Matayo 27:3 - Indagano Inyaaya mu-Chijita

³ Mbe Yuuda unu ꞉aatuurire Yeesu mu‑mabhoko ga abhasoko, ejire aarora ati Yeesu aaramurwa ati eetwe, Yuuda ˆneeyungwa kubhiibhi muno. ˆNaagega jipirya jirya makumi gasatu na okujisubhya ku‑bhakuru bha abhagabhisi na abhakuru bha Abhayawudi. ˆNaabhabhwira ati, “Naakora echibhiibhi okutuura mu‑mabhoko geemwe omuunu unu atari na echikayo choonechoone.”

INDAGANO INYA:YA

³ Mbe Yuda, unu amuromee iniku, wejire arora ati eci:na cae cabutuka, ne:garura, nasubisya abagabisi abakuru na bakaruka jimpirya jiriya amakumi agasatu,

Matayo 27:3 Referans Kwoze

2 Bakorinto 7:10

Obhusurumbaaye bhunu obhusookana na obhukarariiye bhwa Nyamuwanga, obhukora abhaanu bhate ebhibhiibhi bhyebhwe. Okuta okwo, kutari musango gwa okuruguusya, kwa okubha okureeta obhuchungusi. Nawe obhusurumbaaye bhunu obhusookana na emisango ja echaaro, obhureeta orufu.

Yowana 18:3

Kurwa ejo, Yuuda ˆnaatangasya echise cha abhasirikare bha Echiruumi, aamwi na abhasirikare bha Riyekaru okusooka ku‑bhakuru bha abhagabhisi na ku‑Bhafarisaayo. Nibhagenda mw‑isambu eryo, bhagwatiriiyega jidara, ebhisiriira na ebhigwato.

Yowana 13:27

Yuuda ejire aaramira akabhaara ka omukaate ako, awoawo Syetaani ˆnaamwingira. Mbe, Yeesu ˆnaamubhwira ati, “Gunu oweenda okukora, nuugukore bhwangu!”

Yowana 13:2

Yeesu na abheeyigisibhwa bhaaye bhaariga nibharya ebhiryo bhya keegoro. Omwanya ogwo, Syetaani aariga aamarire okukongya Yuuda, omwana wa Simooni Isikariyooti, korereki aromere Yeesu iniku.

Ebikorwa 1:18

Yuuda ꞉aagurire risambu ku‑pirya jinu ꞉aabhwene okuruubhana na echikorwa chaaye echibhiibhi. Omwo nimwo ꞉aaguuwe bhwifumbike, orubhunda rwaye nirwatika, na obhura bhwone nibhusukuka anja.