Matayo 26:69 - Indagano Inyaaya mu-Chijita

⁶⁹ Ku‑mwanya ogwo, Peetero aariga eenyanjire anja awo mu‑rubhuga. Niwo omukosi umwi wa echigasi ˆnaafogera ku‑Peetero, ˆnaamubhwira ati, “Awe waariga uri aamwi na Yeesu wa Gariraaya.”

INDAGANO INYA:YA

⁶⁹ Nawe Petero ariga enyanjire aanja mu nigo. Omuyara namugendako, na:ika ati, Nawe one wariri aamwi na Yesu Omugalilaya.

Matayo 26:69 Referans Kwoze

Matayo 26:71

Niwo ˆnaasooka awo. Omukosi owundi wa echigasi ˆnaamurora, ˆnaabhwira abhaanu bhanu bhaariga bhari awo ati, “Omuunu unu aariga ari aamwi na Yeesu wa Najareeti.”

Ebikorwa 5:37

Omwanya okutura bhunu abhaanu bhaariga nibhabharwa obhukumi bhwebhwe, ꞉aabhonekeene owundi, oyo aariga ari Mugariraaya, risiina ryaye aatogwaga Yuuda. Yuuda, ꞉aabhwene abharuubhirisya bhaafu, nawe wone ˆneetwa, abharuubhirisya bhaaye nibhanyarambuka.

Yowana 7:52

Abheene nibhasubhya Nikodeemu ati, “Si, noorwo awe wone usookere Gariraaya? Genda utatirisye kisi mu‑Bhikaame Ebhyeru, owuja okusombookerwa ati, atari‑wo omuragi unu kaasookerera mu‑mukoowa gwa Gariraaya.”

Yowana 7:41

Abhaanu abhandi nibhaayika ati, “Omuunu unu niwe Kirisito.” Nawe abhandi nibhaayika ati, “Wuri, Kirisito atakutura okusooka mu‑mukoowa gwa Gariraaya.

Yowana 1:46

Omwene ˆnaabhuusya Firipo ati, “Echiinu choonechoone cha ekisi echitura okusooka mu‑musi omutooto gwa Najareeti?” Firipo ˆnaamusubhya ati, “Iija, urore.”

Matayo 26:58

Peetero aaruubhiriraga Yeesu ari‑wo kura, okukingira ku‑rubhuga rwa inju ya omugabhisi omukuru. Niwo ˆneengira, ˆneenyanja aamwi na abhariisi, korereki arore jinu ejija okukorekana.

Matayo 26:3

Mbe, omwanya ogwo abhakuru bha abhagabhisi na abhakuru bha Abhayawudi, nibheekumanya mu‑nju ya omugabhisi omukuru unu risiina ryaye aatogwaga ati Kayaafa.

Matayo 21:11

Abhaanu abhandi mu‑chise echo nibhabhasubhya ati, “Unu ni Yeesu! Ni muragi urya wa Najareeti wa mu‑mukoowa gwa Gariraaya!”

Matayo 26:70

Peetero ˆneegaana imbere ya abhaanu bhoone awo, ˆnaayika ati, “Nitakumenya gunu owaayika!”