Matayo 26:29 - Indagano Inyaaya mu-Chijita

²⁹ Enibhabhwira ati, nitarinywa echifuufu rindi okukingira ku‑rusuku runu nirinywa echifuufu echiyaaya aamwi na emwe mu‑bhukama bhwa Raata waani.”

INDAGANO INYA:YA

²⁹ Nawe enibabwira ati, Okwambira rero nitarinywa kata ku matwasyo ganu age mijabibu, kukinga ku rusiku niriya ndiganywa gari maya:ya aamwi nemwe mu bukama bwa Rata.

Matayo 26:29 Referans Kwoze

Obhusweruro 7:17

Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Mariko 14:25

Ni chimari enibhabhwira ati, okusookerera reero, nitarinywa echifuufu rindi okukingira ku‑rusuku runu nirinywa echifuufu echiyaaya mu‑bhukama bhwa Nyamuwanga.”

Ebikorwa 10:41

꞉Ataabhonekeene ku‑bhaanu bhoone, tari ku‑bhanu Nyamuwanga aariga aamarire okwawura okubha abhabhambaasi okumurora. Abhabhambaasi abho ni eswe, ꞉chaamurorere, ꞉chaariiye na okunywa aamwi nage, ejire aamara okusuuruka okusooka mu‑bhafuuwe.

Yowana 17:13

“Raata, woori eniija kw‑awe. Enaayika emisango jinu omwanya gunu nichaari‑wo ku‑chaaro kunu, korereki abheeyigisibhwa bhaani bhabhe na rikonderwa ryani ryone mu‑myoyo jeebhwe.

Matayo 13:43

Niwo abharengeresi imbere ya Nyamuwanga, bharingʼarabhyaga rwa risuubha mu‑bhukama bhwa Esemwene. Unu kaategeresya, noongwe!”

Obhusweruro 14:3

Abhaanu abho, bhaariga bheemereeguuyu imbere ya echitebhe cha ingʼoma chirya, na imbere ya ebhibhumbwa bhina ebhiwanga bhirya na abhakaruka bharya makumi gabhiri na bhana. Abhaanu abho, bhaariga nibheemba orwimbo oruyaaya na atari‑wo omuunu owundi unu ꞉aaturire okwiyigira okwimba orwimbo orwo, tari abho bhaariga bhagurirwe okusooka ku‑chaaro.

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Yowana 15:11

“Naabhabhwira ejo korereki rikonderwa ryani ribhe mu‑myoyo jeemwe, na rikonderwa ryemwe rikuumire.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Matayo 18:20

Okubha, anu bhari abhaanu bhabhiri amwi bhasatu bheekofyanyiisye kw‑isiina ryani, anye wone niri aamwi nabho awo.”

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Yowana 16:22

Emwe wone ku‑mwanya gunu musurumbaaye. Nawe niribhaaja‑ko rindi, na murikonderwa mu‑myoyo jeemwe. Atari‑wo omuunu unu arisoosya rikonderwa eryo mu‑myoyo jeemwe.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Matayo 26:28

Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu, korereki Nyamuwanga abhafwire echigongo ebhibhiibhi bhyebhwe.

Matayo 26:30

Niwo nibhamariisya kwa okwimba orwimbo rwa okukusya Nyamuwanga. Nibheemuka awo, nibhagenda ku‑chiima cha Emijeyituuni.