Matayo 25:8 - Indagano Inyaaya mu-Chijita

⁸ Abhayara abhataamutaamu bharya, nibhabhwira abhayara abheengeeso bharya ati, ‘Echisabhwa muchisakire‑ko amafuta matooto, kwa okubha jidara jeeswe ejisima.’

INDAGANO INYA:YA

⁸ Abatamutamu nibabwira abo bwenge ati, Muciyaneko amafuta gemwe, okuba jitara jeswe ejisimirira.

Matayo 25:8 Referans Kwoze

Ruuka 12:35

“Mubhega mutengeejere okunkorera emirimu, na jidara jeemwe jibhega nijaaka.

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

Obhusweruro 3:9

Mutegeresye! Niribhareeta abharuubhirisya bha Syetaani. Abheene abheetoga ati ni bhaana bha Nyamuwanga keenu bhatari nibho, tari ni abhabheeyi. Mbe abho, niribhakora bhaaje bhabharamye. Niwo abho bhoone bharimenya ati nibheendere emwe.

Ruuka 16:24

Omuniibhi ˆnaamura obhuraka ˆnaabhirikira ati, ‘Raata Bhurayimu, nuunfwire echigongo! Eninyaaka muno mu‑muriro munu! Nuutume Rajaaro aaje anu, eene isonde ya echaara chaaye mu‑manji, atonyisye ritone rya amanji ago ku‑rurimi rwani arunyirisye.’

Ruuka 8:18

“Kurwa ejo, jinu omuungwa, mujiganirisyega kisi! Omuunu unu kaagwata jinu koongwa, Nyamuwanga kaja okumuswerurira noorwo na ejindi. Nawe omuunu unu atakuungwa emisango ejo, mbe oyo kaja okuteesibhwa noorwo obhusombookerwa bhunu keetogera ati ari nabhwo.”

Matayo 3:9

Mwasiga okwitogera ati, Nyamuwanga aribheekirisya, kwa okubha omwikumangya ati, ‘Chiri rwibhuro rwa Bhurayimu!’ Enibhabhwira ati, Nyamuwanga kaatura okuyindura amabhuyi ganu okubha abhaana bha Bhurayimu!

Ebikorwa 8:24

Simooni ˆnaamubhwira ati, “Emwe, munsabhirwe ku‑Raatabhugenyi, korereki gwasiga okumbona noorwo omusango gumwi mw‑ijo mwaayika!”

Matayo 25:1

Niwo Yeesu ˆnaabhwira abheeyigisibhwa bhaaye echijekekanyo echindi ati, “Ku‑mwanya ogwo, obhukama bhwa mu‑rwire bhurisusana na abhayara ekumi bhanu ꞉bhaagegere jidara jeebhwe na okugenda okuramira omutwasi.

Matayo 25:7

Awoawo, abhayara abho bhoone nibheemuka, nibheeraabha jidara jeebhwe.

Matayo 25:9

Nawe abhayara abheengeeso nibhabhasubhya ati, ‘Jitakuturikana! Chitakutura okubhasakira, kwa okubha amafuta ganu chiri nago, gatakutura okwiya eswe na emwe. Akiri mugende ku‑bhanu abhagusya amafuta, mwigurire ageemwe.’