Matayo 24:46 - Indagano Inyaaya mu-Chijita

⁴⁶ Rusuku rumwi, omwami waaye arisubha okusooka mu‑rugendo. Ari na ribhando omugaya unu omwami waaye arimusongʼana ˆnaakoraga rwa kutyo ꞉aamuragiriiye.

INDAGANO INYA:YA

⁴⁶ Ana ribando omugaya oyo esebugenyi aka:ja namusanga nakora kutyo.

Matayo 24:46 Referans Kwoze

Obhusweruro 16:15

Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”

Ruuka 12:43

Rusuku rumwi, omwami waaye arisubha okusooka mu‑rugendo. Ari na ribhando omukosi unu omwami waaye arimusongʼana ˆnaakoraga rwa kutyo ꞉aamuragiriiye.

Ruuka 12:37

Bhari na amabhando, abhakosi bhanu omwami weebhwe aribha aasubha ˆnaabhasongʼana nibhamurindiriraga. Ni chimari enibhabhwira ati, aritengeeja, aribheenyanjya ku‑nenda na okubhafurubhendera!

Obhusweruro 2:19

Enimenya ebhikorwa bhyemwe. Enimenya wone eryenda ryemwe, eriikirisya ryemwe, obhukosi bhwemwe na obhwigumiirisya bhwemwe. Ka wone, enirora ati, emwe woori omukora kisi muno, okukira kutyo mwariga nimukora ku‑bhwambiro.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Matayo 24:45

Yeesu ˆnaabhuusya abheeyigisibhwa bhaaye ati, “Mbe, ni mugaya ki omwiyikanyibhwa na owa obhwengeeso? Ni mugaya unu omwami waaye ateeye‑wo okubha omwangarisi wa bhagaya abhandi mu‑nju yaaye, korereki abhe ˆnaabhayaana ebhiryo ku‑mwanya gwaye.

Matayo 24:47

Ni chimari enibhabhwira ati, mwami waaye arimutuura ku‑chibharo cha inguru abhe omwangarisi wa obhuniibhi bhwaye bhwone.