Matayo 24:42 - Indagano Inyaaya mu-Chijita

⁴² Mbe mwiyangarire, kwa okubha mutakumenya ati ni rusuku ri runu anye Raatabhugenyi weemwe niriija.

INDAGANO INYA:YA

⁴² Mbe nimutengeje, okuba mutakumenya rusiku runu Esobugenyi ari:jiramo.

Matayo 24:42 Referans Kwoze

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

1 Batesalonika 5:6

Mbe, chisige okubha rwa abhandi bhanu bhawongeeye. Nawe, eswe chitengeeje na chiyingirire.

Matayo 25:13

Awo Yeesu ˆnaamariisya kwa okwayika ati, “Mbe, mwiyangarire, kwa okubha mutakumenya orusuku noorwo isaa inu nirisubha.”

Obhusweruro 16:15

Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”

1 Bakorinto 16:13

Mutengeeje, murumatane mu‑riikirisya, ka wone mubhe abhayaari na abha amanaga.

Matayo 24:36

“Nawe atari‑wo omuunu unu kaamenya orusuku noorwo isaa inu emisango ejo jirikorekana. Noorwo bhamaraayika bha mu‑rwire amwi Omwana wa Nyamuwanga bhatakumenya, tari Raata wenyere.

Barumi 13:11

Mukorega ejo joone, kwa okubha mumenyere ati, omwanya gwa okurafya okusooka mu‑tiro gwakinga. Ringira, omwanya gwa obhuchungusi bhweswe guri yeeyi muno, okukira omwanya gunu ꞉chaambire okwikirisya Yeesu.

Matayo 24:44

Kurwa ejo, mutengeeje omwanya gwone, kwa okubha anye Omwana wa Omuunu, niriija omwanya gunu mutakwiyikanya.”

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

Matayo 24:43

“Nawe mumenye kisi ati, araabha omwene inju akamenyere omwanya gunu omwifi kaaja, mbe atakawongeeye wuri, korereki omwifi aasiga okuuja ˆnaafumura inju yaaye.

Matayo 25:10

“Mbe, abhayara abhataamutaamu nibhagenda okugura amafuta. Omwanya gunu bhaariga bhachaagenda era okugura amafuta, omutwasi ˆnaakinga. Abhayara abheengeeso bhanu bhaariga bheeraabhire, nibheengira aamwi nage mw‑iyumba rinu obhuregesi bhwariga nibhukorekana. Niwo, orwigi nirwigarwa.

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!