Matayo 24:27 - Indagano Inyaaya mu-Chijita

²⁷ Mumenye ati okuuja kwani anye Omwana wa Omuunu, kuribha kwa okutakya. Jiribha rwa kutyo orurabhyo orubhonekana awoawo ebhuwuruka esuubha, na kwiya rumwi okukingira ebhugwa esuubha.

INDAGANO INYA:YA

²⁷ Okuba rwo rurabyo kutyo oruso:ka ebuturuka, ndubonekera ebugwa, nikwo kutyo one kuriba oku:ja kwo Mwana wo mu:nu.

Matayo 24:27 Referans Kwoze

2 Petero 3:4

nibhaayikaga ati, “Kirisito ꞉aaragire ati, arisubha! Woori ari aaki? Okusookerera bhasaaja weeswe bhafwe, emisango joone jiri kutyokutyo rwa kutyo jaariga jiri ku‑bhwambiro bhwa echaaro!”

Yakobo 5:8

Nyabhuriko emwe wone, mwigumiirisyega na okurumatana mu‑mitima jeemwe, kwa okubha okusubha kwa Raatabhugenyi Yeesu kuri yeeyi.

Matayo 24:39

Abhaanu abho, ꞉bhataamenyere ati niki chinu chirisookerera, okukingira anu induruma ꞉yeejire na okwita abhaanu bhoone. Nikwo kutyo jiribha omwanya gunu anye Omwana wa Omuunu niriija.

Matayo 24:37

Kurwa ejo, okuuja kwani, anye Omwana wa Omuunu, kuribha rwa kutyo jaariga jiri mu‑siku ja Nuuwu.

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Matayo 24:3

Neeya, Yeesu ˆnaagenda ku‑chiima cha Emijeyituuni, ˆneenyanja okwo. Abheeyigisibhwa bhaaye nibhamujaa‑ko bhwitebhe, nibhamubhuusya ati, “Chibhwire, emisango ejo jirikorekana rusuku ri? Ka wone, niki chinu chiribha echibharikisyo cha okusubha kwawo na echa okukinga obhuteero bhwa echaaro?”

Matayo 8:20

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 24:26

Araabha abhaanu bhaakabhabhwira ati, ‘Ringira, Kirisito ari mw‑ibhara erya!’ mwasiga okugenda eyo. Amwi araabha bhaakabhabhwira ati, ‘Ringira, eeyibhisire mu‑nju omwo!’ mwasiga okubheekirisisya.

Matayo 24:44

Kurwa ejo, mutengeeje omwanya gwone, kwa okubha anye Omwana wa Omuunu, niriija omwanya gunu mutakwiyikanya.”