Matayo 23:8 - Indagano Inyaaya mu-Chijita

⁸ “Nawe emwe, musige okwikirisya okubhirikirwa, ‘omwiyigisya,’ kwa okubha muri na Omwiyigisya umwi era, na emwe bhoone muri bhayiri.

INDAGANO INYA:YA

⁸ Nawe emwe mutatogwaga ati, Rabbi, okuba Omwiigisya wemwe ni umwi niwe Kristo, nemwe bo:ne muri ba nda imwi.

Matayo 23:8 Referans Kwoze

Yakobo 3:1

Abhayiri bhaani mu‑riikirisya, mw‑imwe kusige okubha‑wo abheeyigisya bhaafu bha omusango gwa Nyamuwanga, kwa okubha mumenyere ati, eswe abheeyigisya, indamu yeeswe okusooka ku‑Nyamuwanga iribha nduru muno okukira abhaanu abhandi.

1 Petero 5:3

Mwasiga okubha abhareefi abharuru ku‑bhanu omutangasya, tari rwa kutyo mwikaaye, mubhe echijekekanyo cha ekisi ku‑bheene.

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Matayo 23:10

Ka wone, musige okubha nimwikirisya okubhirikirwa, ‘omutangasya,’ kwa okubha muri na Omutangasya umwi era, wone niwe Kirisito.

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 22:9

Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abharagi bhanu bhari abhayiri bheejaanyu mu‑riikirisya na bhoone bhanu abhagayuka emisango ja echitabho chinu. Ramya Nyamuwanga omwene era!”

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

Baefeso 3:15

Omwene oyo, niwe obhusimukwa bhwa abhaanu bhaaye bhoone bhanu bhari mu‑rwire na ku‑chaaro anu.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

2 Bakorinto 1:24

Chinu eneenda okwayika ni ati, chitakwenda okutunga eriikirisya ryemwe, okubha murumateene mu‑riikirisya. Tari, eswe chiri bhakosi bha emirimu aamwi na emwe, inguru ya rikonderwa ryemwe.

Matayo 26:49

Mbe, Yuuda ˆnaafogerera Yeesu, ˆnaamubhwira ati, “Naakukeesya Omwiyigisya!” Niwo ˆnaamufumbeera.

Matayo 10:25

Omwiyigisibhwa jiiyire abhe rwa omwiyigisya waaye, na omugaya wone kaakenwa abhe rwa omwami waaye. Anye niri mukuru weemwe, na abhambirikira ati, Bherijebhuuri. Araabha, abhambirikira anye kutyo, angu, bhataribhabhirikira emwe amasiina amabhiibhi muno?

Matayo 23:7

Ka wone, abheenda muno bhakeesibhwe na abhaanu kwa echibharo mu‑maguriro na bhabhe nibhabhirikirwa, ‘omwiyigisya.’

Matayo 26:25

Mbe, Yuuda unu ꞉eekirisiisye okutuura Yeesu mu‑mabhoko ga abhasoko, wone ˆnaamubhuusya ati, “Omwiyigisya, angu naanye?” Yeesu ˆnaamusubhya ati, “Naawe omwayiki.”

Mariko 9:5

Peetero ˆnaabhwira Yeesu ati, “Omwiyigisya, ni kisi eswe okubha anu. Chuumbake ebhiwuuna bhisatu, echimwi chibhe chaawo, echimwi chibhe cha Muusa na echindi chibhe cha Yeeriya.”

Mariko 10:51

Yeesu ˆnaamubhuusya ati, “Oweenda nikukorere ki?” Omuwofu oyo ˆnaamusubhya ati, “Omwiyigisya, eneenda okurora.”

Mariko 11:21

Peetero ˆneechuka emisango jinu Yeesu ꞉aayikire, niwo ˆnaabhwira Yeesu ati, “Omwiyigisya, ringira! Ritiini rinu ꞉weeyiimire, ryawotoka!”

Mariko 14:45

Mbe, Yuuda ejire aakinga arya, ˆnaafogerera Yeesu, ˆnaayika ati, “Omwiyigisya!” Niwo ˆnaamufumbeera.

Yowana 1:38

Yeesu ˆneekebhuukira, ˆnaarora nibhamuruubhaga. ˆNaabhabhuusya ati, “Omwenda ki?” Abheene nibhamubhuusya ati, “Awe Raabhi, wikaaye aaki?” Obhugajuro bhwa omusango “Raabhi” ni “Omwiyigisya.”

Yowana 1:49

Natanayeri ˆnaamusubhya ati, “Omwiyigisya, awe uri Mwana wa Nyamuwanga! Ka wone uri mukama wa Abhayisirayeeri!”

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 3:26

Niwo nibhagenda ku‑Yowana, nibhamubhwira ati, “Omwiyigisya, owichuka omuunu unu waariga uri aamwi nage ku‑ngego ya omusima gwa Yorodaani, na ꞉waasoosiisye obhubhambaasi inguru yaaye? Woori omuunu oyo wone kaabhatiija, na abhaanu bhoone abhawererera ku‑mwene!”

Yowana 4:31

Omwanya gunu abhaanu abho bhaariga bhachaari kukinga ku‑Yeesu, abheeyigisibhwa bhaaye nibhamusabhwa ati, “Omwiyigisya, nuurye ebhiryo.”

Yowana 6:25

Abhaanu abho bhejire bhaakinga ku‑ngego ya inyanja, nibhasongʼana Yeesu, nibhamubhuusya ati, “Omwiyigisya, ꞉weejire ri enu?”

Yowana 9:2

Abheeyigisibhwa bhaaye nibhamubhuusya ati, “Omwiyigisya, ni chibhiibhi chaaga chinu ꞉chaakorere eebhurwe ari muwofu? Angu, ni chibhiibhi chaaye omwene tere ni cha bheebhusi bhaaye?”

Yowana 11:8

Abheeyigisibhwa bhaaye nibhamusubhya ati, “Omwiyigisya, ni jorirya anu era Abhayawudi bheendaga okukubhuma na amabhuyi korereki bhakwite. Kurwa ki woori oweenda okusubha eyo rindi?”

Yowana 20:16

Yeesu ˆnaamubhirikira risiina ryaye ati, “Maryamu!” Mbe Maryamu ˆneekebhuukira, ˆnaarora Yeesu, ˆnaamubhwira mu‑nyaayika ya Echiyebhuraniya ati, “Rabhooni!” Rabhooni, obhugajuro bhwago ni ati, “Omwiyigisya.”

Filemoni 1:16

Okwambira woori, omwene atari rwa omugaya era kw‑awe, tari omwene ari na ingʼoryo muno okukira omugaya, ari rwa omuyiri omwendwa. Anye enimwenda muno, awe urimwenda okukira anye, rwa omugaya mu‑nju yaawo, ka wone rwa omuyiri mu‑Raatabhugenyi Yeesu.