Matayo 23:14 - Indagano Inyaaya mu-Chijita

¹⁴ “Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omurandirisya muno risabhwa ryemwe ku‑Nyamuwanga, korereki mwikondye ku‑bhaanu, nawe omuteesya abhatumbagasi ribhona ryebhwe. Mbe, mumenye ati ku‑rusuku rwa indamu, chimari muriramira jimbuma nyafu okusooka ku‑Nyamuwanga.]

INDAGANO INYA:YA

¹⁴ Jiribabona, emwe abandiki na Bafarisayo, ba rurimi! Kwo kuba omurya jinyumba ja batumba, omwisabya nimurandirisya, nikwo murikora nimubona intambara nene.

Matayo 23:14 Referans Kwoze

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Mariko 12:40

Abheene abheerimaanyaga, kwa okubha abharandirisya muno risabhwa ryebhwe ku‑Nyamuwanga, korereki bheekondye ku‑bhaanu, nawe abhateesya abhatumbagasi jinju jeebhwe! Mbe, mumenye ati, ku‑rusuku rwa indamu, chimari bhariramira jimbuma nyafu muno okusooka ku‑Nyamuwanga!”

Ruuka 20:47

Abheene ni bheerimaanya, kwa okubha abharandirisya muno risabhwa ryebhwe ku‑Nyamuwanga, korereki bheekondye ku‑bhaanu, nawe abhateesya abhatumbagasi jinju jeebhwe! Mbe, bhamenye ati, ku‑rusuku rwa indamu, chimari bhariramira jimbuma nyafu okusooka ku‑Nyamuwanga!”

Matayo 11:24

Nawe enibhabhwira ati, ku‑rusuku rwa indamu, Nyamuwanga arisoosya indamu isito muno okukira kutyo ariramura abhaanu bha omusi gwa Sodoma.”

Matayo 23:33

Emwe muri njoka na muri rwibhuro rwa jinjoka! Muriiruka kutiki indamu ya Nyamuwanga ya okweswa mu‑muriro gwa akajaanende koone?

Ruuka 12:48

Nawe, omukosi unu atakumenya okwenda kwa omwami waaye, nawe kaakora omusango gunu ogukora abhumwe okusombookerwa wuri, oyo aribhumwa simbo nooto era. Omuunu unu ꞉aayaanirwe ebhiinu bhyafu, aritongwa bhyafu, na omuunu unu ꞉aayaanirwe obhuturo bhwa okukora emirimu myafu muno, omwami waaye arimutonga bhyafu muno.

2 Timoteo 3:6

Mu‑bheene abho bhari‑mo bhanu abheengira kwa obhwira bhwa ebhibhiibhi mu‑misi ja abhaanu na okujiga abhagasi abhamuumu. Abhagasi abho bhatungirwe na ebhibhiibhi, ka wone abhakururwa na obhurigire bhwa ebhibhiibhi bhya bhuri mbaga.

Tiito 1:10

Okubha bhari‑wo abhaanu bhaafu bhanyatagayuka, abhaayika emisango jinu jitari na obhugajuro bhwonebhwone, ni bhajigi, chimwichimwi, abhaanu bhanu abhakomeeresya jitungwa ja Echiyawudi. Abhaanu abho ni bhusibhusi bhagaanyibhwe okwiyigisya.

Yakobo 3:1

Abhayiri bhaani mu‑riikirisya, mw‑imwe kusige okubha‑wo abheeyigisya bhaafu bha omusango gwa Nyamuwanga, kwa okubha mumenyere ati, eswe abheeyigisya, indamu yeeswe okusooka ku‑Nyamuwanga iribha nduru muno okukira abhaanu abhandi.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

2 Petero 2:14

Ameeso geebhwe geejuuywe obhuromesi na okurigira kwebhwe kwa okukora ebhibhiibhi kutari na obhuteero. Abhakongya abhaanu bhanu bhatarumateene mu‑riikirisya bhakore rwa abheene. Bhanasiisye emyoyo jeebhwe okurigira obhuniibhi. Abhaanu abho bheeyiimirwe!