Matayo 23:13 - Indagano Inyaaya mu-Chijita

¹³ “Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

INDAGANO INYA:YA

¹³ Nawe jiribabona emwe abandiki na Bafarisayo, ba rurimi! Kwo kuba omube:garira aba:nu obukama bwa mu rwire, ka nemwe mutakwingira, na banu abenda okwingira, mutakube:kirisisiya okwingira.

Matayo 23:13 Referans Kwoze

Ruuka 11:52

“Jiribhabhona, emwe abheeyigisya bha ebhiraagiro bhya Muusa! Okubha musibhire orwiguriro rwa okwigurira omuryango gunu abhaanu bhaakaturire‑mo korereki bhasombookerwe Nyamuwanga. Emwe abheene mutakwingira, ka wone omuyingirira abhaanu abhandi bhanu abheenda okwingira.”

Matayo 23:29

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuumbaka ebhituuro bhya abharagi bha Nyamuwanga na okunojoorya kisi ebhituuro bhya abhaanu abhandi bhanu bhaariga bhari bharengeresi imbere ya Nyamuwanga.

Matayo 23:27

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha muri rwa ebhituuro bhinu bhinaaribhwe na ichokaa. Anja ebhibhonekana ati bhikondere, nawe mu‑nda bhiijuuye amawa ga abhafuuwe na obhukoote bhwa bhuri mbaga.

Matayo 23:23

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omugwata ebhiraagiro bhya okusoosya imwi ya rikumi noorwo ku‑bhiinu bhya obhurambu bhutooto muno, rwa omutootoji, ebhinjari na obhukaanu. Nawe, musigire emisango ja bhusibhusi muno ku‑bhiraagiro bhya Muusa. Musigire okukora rirenga, okubha na echigongo na okubha abheeyikanyibhwa ku‑Nyamuwanga na ku‑bhaanu abhandi. Tari omukenwa okukora joone ejo, eminene na emitooto.

Ebikorwa 8:1

Bhejire bhaamara okumwita, abhaanu bhanu bhaagayukaga Nyamuwanga nibhasiika Tefwano na okumuririra muno. Orusuku runu Tefwano ꞉eetirwe, abheekirisya bha Yerusareemu nibhaamba okunyaasibhwa muno. Abhaafu mu‑bheene nibhabhirima, nibhanyaragana mu‑mikoowa ja Yuudeya na Samaariya. Yerusareemu awo ꞉jaasigaaye‑wo jitumwa ja Yeesu.

2 Timoteo 4:15

Awe wone, wiikenge omuunu oyo, kwa okubha ꞉aayajeene muno na Emisango ja Ekisi jinu charaasyaga.

2 Timoteo 3:8

Abheeyigisya bha orubheeyi bhanu, abheengira kwa obhwiro bhwa ebhibhiibhi, abhayingirira echimari. Abhakora rwa kutyo Yaane na Yambure bhaayaajanaga na Muusa. Abhaanu abho obhwenge bhwebhwe bhunyamukire, bharemere okwikirisya Nyamuwanga.

Ebikorwa 13:8

Nawe Erima, owa amawufyo oyo, obhwo nibhwo obhugajuro bhwa risiina ryaye, aariga ˆnaayaajana muno na Bharinaabha na Saawuri, enu ˆnaaregeejaga okukongya omusiibha oyo aasiga okwikirisya Yeesu.

Ebikorwa 5:40

Kurwa ejo, ritongera rya Gamaryeri eryo, niriikirisibhwa na abheejaabho abho. Bhejire bhaamara, nibhabhirikira jitumwa mw‑ibharaja eryo, nibhabhabhuma simbo nyafu. Nibheeya nibhabhagaanya ati, bhasige okubhwira abhaanu kw‑isiina rya Yeesu, nibhabhataatira, nibhagenda.

Ebikorwa 5:28

“꞉Chaabhagaanyiisye kwa amanaga ati musige okwiyigisya abhaanu inguru ya risiina rya omuunu oyo! Nawe emwe omugenderera okwiyigisya abhaanu emisango jaaye mbaara joone ja Yerusareemu, ka wone mukarariiye okureeta isagama ya omuunu oyo inguru yeeswe!”

Yowana 9:34

Abheene nibhamusubhya ati, “Awe ꞉weebhuuywe uri owa ebhibhiibhi kata. Woori, uri na obhuturo ki bhwa okuchiiyigisya?” Mbe, nibhamubhirimya asooke mu‑nju ya eriikofyanyo.

Yowana 9:24

Mbe, abhatangasya bha Abhayawudi nibhabhirikira rindi omuunu unu aariga eebhuuywe ari muwofu, nibhamubhwira ati, “Nuurayire ku‑Nyamuwanga ati, owaayika echimari! Eswe chimenyere ati, omuunu unu ꞉aakuwosiisye, ni mukosi wa ebhibhiibhi.”

Yowana 9:22

Abheebhusi bhaaye ꞉bhaayikire kutyo, kwa okubha bhaariga nibhoobhaya. Okubha, abhatangasya bha Abhayawudi abho bhaariga bheekirisyanyiisye ati, omuunu woonewoone unu keekirisya ati Yeesu niwe Kirisito, kaja okukindikwa mu‑nju ja ameekofyanyo geebhwe.

Matayo 23:25

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo. Emwe muri bheerimaanya, kwa okubha mu‑meeso ga abhaanu omwikora ati muri bhaanu abheeru imbere ya Nyamuwanga. Omwosya kisi anja ya omutawo na orutubha, nawe mutakwosya‑mo bhinu bhiri‑mo, ebhyo ni bhiinu bhinu mubhwene kwa obhwifi na okurema okwiyingirira.

Matayo 3:7

Nawe Yowana ejire aarora Abhafarisaayo na Abhasadukaayo bhaafu nibhamuuja‑ko, korereki abhabhatiije, ˆnaabhabhwira ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era?

Matayo 23:16

“Jiribhabhona emwe abhatangasya abhawofu, kwa okubha omwiyigisya abhaanu ati, ‘Araabha omuunu kaarayira kw‑Iyekaru rya Nyamuwanga, echirayiro chaaye echo chitari chiinu. Nawe araabha kaarayira ku‑naaryo inu isoosiibhwe mw‑Iyekaru rya Nyamuwanga, omuunu oyo keendwa akore rwa kutyo ꞉aarayiiye.’