Matayo 22:45 - Indagano Inyaaya mu-Chijita

⁴⁵ “Araabha Dawudi kaabhirikira Kirisito, ‘Raatabhugenyi,’ woori ejibha kutiki Kirisito okubha omwana waaye rindi?”

INDAGANO INYA:YA

⁴⁵ ?Mbe ka:raba Daudi kamutoga Esebugenyi, ni mwana wae kutiki?

Matayo 22:45 Referans Kwoze

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”

Yowana 8:58

Yeesu ˆnaabhasubhya ati, “Ni chimari enibhabhwira ati, anye niri‑wo okusookerera omwanya gunu Bhurayimu aariga achaari kwibhurwa.”

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

Matayo 22:44

‘Raatabhugenyi Nyamuwanga ꞉aabhwiriiye Raatabhugenyi waani ati, “Inyanja orubhaara rwani rwa ebhuryo, okukingira omwanya gunu enija okutuura abhasoko bhaawo emwaro ya amaguru gaawo.”’

Matayo 22:46

Mbe, atari‑wo omuunu unu ꞉aaturire okusubhya gwonegwone. Ka wone okwambira awo, atari‑wo omuunu unu ꞉aaregeejere okubhuusya Yeesu amabhuusyo agandi.