Matayo 22:4 - Indagano Inyaaya mu-Chijita

⁴ “Niwo ˆnaaragirira abhakosi abhandi, ˆnaabhabhwira ati, ‘Mugende mubhwire bhanu ꞉naakokere ati, “Niirabhire ebhiinu bhyone bhya obhuregesi. Niitire jiingʼa jaani jiinure aamwi na ebhitunganwa ebhindi ebhinure. Kurwa ejo, muuje mu‑bhuregesi!”’

INDAGANO INYA:YA

⁴ Natuma abagaya abandi rindi, na:ika ati, Mubabwire banu bariga bakokerwe ati, Rora, nate:kere ebiryo byani, nakomee jiŋa jani ne bya masaju. Byone namaririye, mu:je ku buregesi.

Matayo 22:4 Referans Kwoze

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Matayo 21:36

Niwo, omwene esambu ˆnaatuma rindi abhakosi abhandi, bhaafu okukira bhanu ꞉aatumire ku‑bhwambiro. Abharimi abho nibhabhakorera kubhiibhi rwa kutyo ꞉bhaakoreeye bha okwamba.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ruuka 14:17

Omwanya gwa obhugenyi gwejire gwakinga, ˆnaatuma omugaya waaye agende okubhirikira abhaanu bhanu bhaariga bhakokerwe ati, ‘Muuje! Ebhiinu bhyone bhya obhugenyi bhyeraabhirwe!’

Matayo 22:8

“Niwo omukama oyo, ˆnaabhwira abhakosi bhaaye ati, ‘Obhuregesi bhwimaririiye, nawe bhanu ꞉bhaakokerwe, bhaariga bhateeyire okuuja.

Matayo 22:5

Nawe abhaanu bhanu bhaariga bhakokerwe, ꞉bhateekirisiisye. Nibhagenda ku‑mirimu jeebhwe, abhandi nibhagenda mu‑masambu geebhwe, na abhandi nibhagenda okukaana ebhiinu.