Matayo 20:4 - Indagano Inyaaya mu-Chijita

⁴ ˆNaabhabhwira ati, ‘Emwe wone mugende okukora emirimu mw‑isambu ryani rya emijabhiibhu. Niribhariya rwa kutyo eyikenwa.’

INDAGANO INYA:YA

⁴ Nababwira ati, Emwe one mugende mwisambu ryani rye mijabibu, na cinu cire:ya nje mbayane. Nibagenda.

Matayo 20:4 Referans Kwoze

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Bakolosai 4:1

Emwe abhaami, mukoreraga abhagaya bheemwe mu‑bhurengeresi rwa kutyo jiiyire bhakorerwe. Mwichuke ati emwe wone muri na omwami weemwe mu‑rwire, niwe Raatabhugenyi.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Matayo 9:9

Yeesu ejire aasooka awo, bhunu aaribhataga ku‑njira, ˆnaarora omutobhesya umwi wa rigooti unu aatogwaga ati, Mataayo. Omutobhesya oyo, aariga eenyanjire mw‑itobhesisyo rya rigooti. Yeesu ˆnaamubhwira ati, “Nuunduubhe.” Awoawo, Mataayo ˆneemuka, ˆnaamuruubha.

Matayo 20:3

“Yejire yaakinga saa esatu katondo, ˆneemuka rindi okugenda mw‑iguriro, ˆnaarora abhaanu abhandi bhatari na emirimu.

Matayo 20:5

Abheene wone nibhagenda. “Mbe yejire yaakinga mu‑mwisi, ˆneemuka rindi ˆnaayaana abhaanu abhandi emirimu mw‑isambu ryaye. Gejire gaatura masaa gasatu, ˆnaakora kutyo rindi.