Matayo 20:34 - Indagano Inyaaya mu-Chijita

³⁴ Niwo Yeesu ˆnaabhafwira echigongo, ˆnaabhakuunʼya ku‑meeso geebhwe. Awoawo, ameeso geebhwe nigawora, wone nibharuubha Yeesu.

INDAGANO INYA:YA

³⁴ Yesu nabafwirwa ecigongo, nakunia ku me:so gebwe. Aonao ame:so gebwe nigarora, nibamuru:ba.

Matayo 20:34 Referans Kwoze

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

1 Petero 3:8

Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.

Ruuka 22:51

Yeesu ˆnaabhabhwira ati, “Musige ejo.” ˆNaagwata ku‑kutwi kwa omugaya oyo, ˆnaamuwosya.

Ruuka 7:13

Raatabhugenyi ejire aarora omutumbagasi oyo, ˆnaamufwira echigongo, ˆnaamubhwira ati, “Siga okurira.”

Mariko 7:33

Yeesu ˆnaamusoosya mu‑chise cha abhaanu, ˆnaagenda nage ku‑mbari. ˆNeengisya ebhyara bhyaye mu‑matwi ga omuunu oyo. Yeesu ˆneefubhurira amachwata ku‑chaara, ˆnaamubhambaga ku‑rurimi.

Matayo 15:32

Niwo Yeesu ˆnaabhirikira abheeyigisibhwa bhaaye, ˆnaabhabhwira ati, “Enifwira echigongo abhaanu bhanu, kwa okubha cheekaaye nabho masuubha gasatu na bhatari na ebhiryo. Nitakwenda okubharaga bhagende mu‑misi jeebhwe bhari na omweko, kwa okubha abhandi abhatura okuyuutukira mu‑njira.”

Matayo 14:14

Mbe, ejire aakinga, ˆneeka okusooka mu‑ngama, ˆnaarora echise chinene cha abhaanu. ˆNaabhafwira echigongo ˆnaawosya abharwaye bheebhwe.

Matayo 9:29

Niwo Yeesu ˆnaakuunʼya ku‑meeso geebhwe, ˆnaabhabhwira ati, “Ku‑songa ya eriikirisya ryemwe, ejija okubha kutyo.”

Matayo 8:15

Yeesu ˆnaamukuunʼya ku‑kubhoko, awoawo ˆnaawora. Niwo ˆneemuka, ˆnaamba okufurubhendera Yeesu.

Ruuka 18:43

Awoawo, ˆnaarora rindi, ˆnaaruubha Yeesu, enu ˆnaakuuyaga Nyamuwanga. Abhaanu bhoone bhejire bhaarora ejo, nibhakuuya Nyamuwanga.

Matayo 9:36

Yeesu ejire aarora ebhise bhya abhaanu, ˆnaabhafwira echigongo, kwa okubha bhaariga bhaayigirwe, na bhaariga bhatari na omuunu wa okubhasakira. Abhaanu abho, bhaariga bhari rwa jinaama jinu jitari na omureefi.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Matayo 20:33

Abhawofu abho nibhamusubhya ati, “Raatabhugenyi, echeenda ameeso geeswe gawore!”

Matayo 21:1

Omwanya gunu Yeesu na abheeyigisibhwa bhaaye ꞉bhaarebhereeye Yerusareemu, nibhakinga mu‑ruguuyo rwa Bheetifaage ku‑chiima cha Emijeyituuni. Niwo Yeesu ˆnaatuma abheeyigisibhwa bhaaye bhabhiri, ˆnaabhabhwira ati,