Matayo 20:21 - Indagano Inyaaya mu-Chijita

²¹ Yeesu ˆnaamubhuusya ati, “Oweenda nikukorere ki?” Omwene ˆnaamusubhya ati, “Enisabhwa ubheekirisisye abhaana bhaani bhabhiri bhanu, bheenyanje aamwi na awe mu‑bhukama bhwawo, owumwi orubhaara rwa ebhuryo na owundi orubhaara rwa ebhumoosi.”

INDAGANO INYA:YA

²¹ Namubu:sya ati, Owenda ki? Namubwira ati, Ragirira aba:na bani banu benyanje, oumwi ku kuboko kwao okwe buryo no undi ku kwe bumosi, mu bukama bwao.

Matayo 20:21 Referans Kwoze

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 18:1

Omwanya ogwo, abheeyigisibhwa nibhaaja ku‑Yeesu, nibhamubhuusya ati,

Ebikorwa 1:6

Ku‑mwanya gunu jitumwa ejo bhaariga bhari aamwi na Yeesu, ꞉bhaamubhuusiisye ati, “Raatabhugenyi, omwanya gunu nigwo owuja okusubhisya Abhayisirayeeri obhukama bhwebhwe?”

Mariko 6:22

Omwanya gunu abhagenyi bhaariga bheenyanjire, omuyaasya wa Yerodiya ˆneengira, ˆnaabhina. Yeroode na abhagenyi bhaaye nibhakonderwa. Niwo omukama ˆnaabhwira omuyarakaji oyo ati, “Nuunsabhwe choonechoone chinu oweenda, enija okukuyaana.”

Matayo 20:32

Mbe, Yeesu ˆneemereeguru, ˆnaabhabhirikira, ˆnaabhabhuusya ati, “Omwenda nibhakorere ki?”

Bakolosai 3:1

Woori, kwa okubha musuurukire aamwi na Kirisito, muyenjeresye emisango ja mu‑rwire, anu Kirisito eenyanjire orubhaara rwa ebhuryo rwa Nyamuwanga.

Barumi 12:10

Mwendane abheene kwa abheene rwa abhayiri. Bhuri muunu eekomeesye okuyaana echibharo oweejaabho.

Yowana 15:7

Araabha mukabha na obhumwi na anye, na emisango jaani jikabha mu‑myoyo jeemwe, mbe woori musabhwe Raata choonechoone chinu omwenda, omwene kaja okubhayaana.

Ruuka 22:24

Nijiibhuka jimamba agati ya jitumwa ja Yeesu, ati, niga unu keeganirisibhwa okubha omukuru mu‑bheene.

Ruuka 19:11

Abhaanu bhaariga nibhagenderera okutegeresya emisango ejo, Yeesu ˆnaabhabhwira echijekekanyo echindi chimwi. Abhaanu abho bheetogeraga ati, jisiku ja obhukama bhwa Nyamuwanga, jikakingire omwanya guryagurya, kwa okubha Yeesu aariga ˆnaarebherera omusi gwa Yerusareemu.

Ruuka 18:41

“Oweenda nikukorere ki?” Omwene ˆnaamusubhya ati, “Raatabhugenyi, enisabhwa nirore rindi!”

Mariko 10:51

Yeesu ˆnaamubhuusya ati, “Oweenda nikukorere ki?” Omuwofu oyo ˆnaamusubhya ati, “Omwiyigisya, eneenda okurora.”

Barumi 8:34

Ka wone niga unu arichiramura? Atari‑wo, kwa okubha Kirisito Yeesu, niwe ꞉aafuuwe, ˆnaasuuruka okusooka mu‑bhafuuwe. Ka wone, woori niwe ari orubhaara rwa ebhuryo rwa Nyamuwanga, niwe kaachisabhirwa.

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Matayo 20:22

Yeesu ˆnaamusubhya ati, “Mutakumenya jinu omusabhwa. Angu, omutura okunyaaka rwa kutyo enija okunyaaka?” Nibhamusubhya ati, “Echitura.”