Matayo 19:22 - Indagano Inyaaya mu-Chijita

²² Omusigaji oyo ejire oongwa omusango ogwo, ˆnaagenda asurumbaaye, kwa okubha aariga ari muniibhi muno.

INDAGANO INYA:YA

²² Omumura oyo ejire ongwa omusango ogwo, nagenda asurumbae, okuba ariga na buni:bi bwafu.

Matayo 19:22 Referans Kwoze

Matayo 6:24

“Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Bakolosai 3:5

Mbe woori, mwese kura chimwi emisango joone ja echaaro chinu jinu jiri mu‑myoyo jeemwe, emisango ejo ni bhuromesi, obhujabhi, okurigira okubhiibhi, obhwiganirisya obhubhiibhi, na okwisigombera ebhiinu. Okwisigombera ebhiinu kuri rwa okuramya amasusano na okusiga okuramya Nyamuwanga.

Baefeso 5:5

Okubha mumenyere chimwi ati, omuunu woonewoone urya unu kaakora obhuromesi, omujabhi woonewoone urya na omwigombi woonewoone urya, ataribha omuri wa omwandu mu‑bhukama bhwa Kirisito na Nyamuwanga. Chimari, omuunu unu keesigombera ebhiinu, niwe kaaramya amasusano.

Mariko 10:22

Nawe, omuunu oyo ejire oongwa omusango ogwo, ˆnaafwa omutima. ˆNaagenda asurumbaaye muno, kwa okubha aariga ari muniibhi muno.

Matayo 16:26

Angu, omuunu aribhona omuriiro ki araabha aakabhona ebhiinu bhyone bhya echaaro chinu, nawe ˆnaabhusya obhurame bhwaye? Chitari‑wo echiinu cha obhurambu chinu omuunu kaatura okusoosya okuwonʼya obhurame bhwaye.

Ruuka 18:23

Omutungi oyo, ejire oongwa ejo, ˆnaasurumbara muno, kwa okubha aariga ari muniibhi muno.

Matayo 14:9

Omukama Yeroode ˆnaasurumbara, nawe kwa okubha aariga amuragire kwa echirayiro imbere ya abhagenyi bharya, ˆnaaragirira ati, omuyarakaji oyo, ayaanwe omutwe ogwo.

Mariko 6:26

Omukama ˆnaasurumbara muno, nawe inguru ya echirayiro chaaye chinu ꞉aarayiiye imbere ya abhagenyi bhaaye, ˆnaataamibhwa okurema.

Matayo 19:21

Yeesu ˆnaamubhwira ati, “Araabha oweenda okubha omuunu unu akuumiiye, genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara, uuje unduubhe.”

Matayo 19:23

Niwo Yeesu ˆnaabhwira abheeyigisibhwa bhaaye ati, “Ni chimari enibhabhwira ati, jiribha bhikomeeye muno omuniibhi okwingira mu‑bhukama bhwa mu‑rwire.

Yowana 16:20

Ni chimari enibhabhwira ati, emwe muririra na okusurumbara, nawe abhaanu bha ku‑chaaro kunu bharikonderwa. Murisurumbara, nawe obhusurumbaaye bhwemwe bhuriyinduka okubha rikonderwa.