Matayo 19:21 - Indagano Inyaaya mu-Chijita

²¹ Yeesu ˆnaamubhwira ati, “Araabha oweenda okubha omuunu unu akuumiiye, genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara, uuje unduubhe.”

INDAGANO INYA:YA

²¹ Yesu namubwira ati, Araba owenda okuba unu aku:miye, genda uka:ne binu unabyo, ugabire abataka, uriba no buni:bi mu rwire. Niwo u:je undu:be.

Matayo 19:21 Referans Kwoze

Mariko 10:21

Yeesu ˆnaamuringira nekeneke, ˆnaamwenda, ˆnaamubhwira ati, “Ugerukiiywe‑wo omusango gumwi. Genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara uuje, unduubhe.”

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Ruuka 14:33

“Nyabhuriko kw‑imwe wone, omuunu unu atakutura okusiga ebhiinu bhyone bhinu ari nabhyo, atakutura okubha omwiyigisibhwa waani.

Ebikorwa 2:45

Bhaariga nibhagusya ebhiinu bhyebhwe na jipirya jinu bhaabhonaga, bhaajigabhanyaga, okuruubhana na obhukene bhwa bhuri muunu.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Ruuka 9:23

Yeesu ejire aamara, ˆnaabhwira abhaanu bhoone ati, “Omuunu woonewoone unu keenda okunduubha, eenderwe eeyigaane omwene, abhature omusarabha gwaye, anduubhe.

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

Ruuka 16:9

Ka wone, enibhabhwira ati, obhuniibhi bhwa echaaro chinu bhuriwaa‑wo. Woori, musakirega abhaanu abhandi ku‑bhuniibhi bhunu muri nabhwo, niwo muribhonera abhasaani. Araabha murikora kutyo, Nyamuwanga aribhakuma mu‑bhwikaro bhwaye bhwa akajaanende koone.

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 16:24

Mbe, Yeesu ˆnaabhwira abheeyigisibhwa bhaaye ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Ruuka 6:40

“Omwiyigisibhwa, atakutura okubha omumenyi muno okukira omwiyigisya waaye. Nawe, omwiyigisibhwa akamara okwiyigisibhwa, niwo kaabha na obhuturo rwa bhwa omwiyigisya waaye.

Ruuka 5:27

Ejo jejire jaawa, Yeesu ˆnaasooka mu‑nju, ˆnaarora omutobhesya umwi wa rigooti unu kaatogwa ati Raawi. Omutobhesya oyo, aariga eenyanjire mw‑itobhesisyo rya rigooti. Yeesu ˆnaamubhwira ati, “Nuunduubhe!”

Mariko 8:34

ˆNaabhirikira echise cha abhaanu aamwi na abheeyigisibhwa bhaaye, ˆnaabhabhwira ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Matayo 9:9

Yeesu ejire aasooka awo, bhunu aaribhataga ku‑njira, ˆnaarora omutobhesya umwi wa rigooti unu aatogwaga ati, Mataayo. Omutobhesya oyo, aariga eenyanjire mw‑itobhesisyo rya rigooti. Yeesu ˆnaamubhwira ati, “Nuunduubhe.” Awoawo, Mataayo ˆneemuka, ˆnaamuruubha.

Baeburania 10:34

Mwariga nimufwira echigongo abheejaanyu bhanu ꞉bhaabhoyerwe mu‑mabhoyero. Ka wone omwanya gunu ꞉mwateesibhwe ebhiinu bhyemwe, ꞉mwegumiirisiisye kwa rikonderwa, kwa okubha emwe ꞉mwamenyere ati muri na ebhiinu bhya ekisi muno bhinu bhitariwaa‑wo wuri.

Mariko 2:14

Neeya Yeesu ˆnaasooka awo ˆnaagenda, ku‑njira ˆnaarora Raawi omwana wa Arufwayo, eenyanjire mw‑itobhesisyo rya rigooti. Yeesu ˆnaamubhwira ati, “Nuunduubhe.” Awoawo, Raawi ˆneemuka, ˆnaamuruubha.

Matayo 8:22

Yeesu ˆnaamusubhya ati, “Awe nuunduubhe, siga bhanu bhafuuwe echinyamwoyo bhasiike abhafuuwe bheebhwe.”

Matayo 4:19

Yeesu ˆnaabhabhwira ati, “Muuje, munduubhe! Enija okubhakora mubhe abhategi bha abhaanu.”

Matayo 19:20

Omusigaji oyo ˆnaayika ati, “Nigayukire ebhiraagiro ebhyo bhyone. Ni chiinu ki echindi chinu nigerukiiywe?”

Matayo 19:22

Omusigaji oyo ejire oongwa omusango ogwo, ˆnaagenda asurumbaaye, kwa okubha aariga ari muniibhi muno.