Matayo 16:4 - Indagano Inyaaya mu-Chijita

⁴ Emwe muri yimbo ebhiibhi, mutari bheeyikanyibhwa imbere ya Nyamuwanga. Omwenda echibharikisyo, nawe nitaribheeresya echibharikisyo choonechoone. Tari murirora echibharikisyo rwa chirya cha omuragi Yoona era.” Niwo Yeesu ˆneemuka okusooka awo, ˆnaabhasiga.

INDAGANO INYA:YA

⁴ Aba riimbo ribi:bi ne ryo buromesi abayenja ecibarikisyo. Nawe batariyabwa cibarikisyo, tari ecibarikisyo ca Yona.

Matayo 16:4 Referans Kwoze

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Mariko 8:12

Yeesu ˆnaasurumbara mu‑mwoyo gwaye, ˆnaabhabhwira ati, “Kurwa ki emwe abhaanu bha orwibhuro runu omwenda okurora echibharikisyo? Ni chimari enibhabhwira ati, nitakuja okubheeresya echibharikisyo choonechoone.”

Matayo 15:14

Mubhasige, abho ni bhatangasya abhawofu bhanu abhatangasya abhawofu! Araabha omuwofu akatangasya omuwofu oweejaabho, bhoone ku‑bhubhiri bhwebhwe bharigwa mu‑ryobho.”

Ebikorwa 18:6

Abhayawudi abho nibhamurema na okumufuma muno, omwene ˆnaakubhura emyenda jaaye, kwa okurema emisango jeebhwe, ˆnaabhabhwira ati, “Isagama yeemwe ibhe inguru yeemwe abheene! Anye, nitari na esoro, naakuumisya jinu naariga ninkenwa okukora. Okwambira woori, enija okugenda ku‑bhaanu bhanu bhatari Bhayawudi.”

Ebikorwa 2:40

Peetero ꞉aagendereeye kwa omwanya mureera okubhwira abhaanu abho emisango myafu ja okubhakengya. ꞉Aabheerembeeresiisye ˆnaayikaga ati, “Muchungurwe na Nyamuwanga, mwasiga okuyaanwa indamu aamwi na abhaanu bha riyimbo rinu, bhanu bhari abhabhiibhi muno!”

Matayo 16:5

Mbe, abheeyigisibhwa bha Yeesu nibhaambuka inyanja okuja orubhaara orundi, nawe nibharabhirwa okugega emikaate.