Matayo 14:33 - Indagano Inyaaya mu-Chijita

³³ Mbe, abheeyigisibhwa bhanu bhaariga bhasigaaye mu‑ngama, nibhamwifukamira, nibhaayikaga ati, “Chimari, awe uri Mwana wa Nyamuwanga!”

INDAGANO INYA:YA

³³ Na banu bariga mu bwato nibamuramya, niba:ika ati, Ni cimari awe uri Mwana wa Nyamuanga.

Matayo 14:33 Referans Kwoze

Yowana 11:27

Maarita ˆnaamusubhya ati, “Raatabhugenyi, eniikirisya chimari ati naawe Kirisito, Omwana wa Nyamuwanga, unu eenderwe aaje ku‑chaaro kunu.”

Yowana 1:49

Natanayeri ˆnaamusubhya ati, “Omwiyigisya, awe uri Mwana wa Nyamuwanga! Ka wone uri mukama wa Abhayisirayeeri!”

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Mariko 1:1

Bhunu nibhwo obhwambiro bhwa Emisango ja Ekisi ja Yeesu Kirisito, Omwana wa Nyamuwanga.

Yowana 6:69

Eswe echiikirisya, ka wone chimenyere ati, awe naawe Omweru wa Nyamuwanga.”

Matayo 16:16

Simooni Peetero ˆnaamusubhya ati, “Awe naawe Kirisito, Omwana wa Nyamuwanga omuwanga.”

Yowana 17:1

Yeesu ejire aamara okwayika ejo joone, ˆnaaragamira ku‑rwire, ˆnaasabhwa ati, “Raata, omwanya gwakinga. Yeeresya abhaanu rikusyo ryani anye Omwana waawo, korereki anye wone nibheeresye rikusyo ryawo kutyo riri.

Ruuka 4:41

Aamwi na ejo, Yeesu ꞉aasoosiisye amasambwa okusooka mu‑bhaanu bhaafu muno, nigamwaya nigaayikaga ati, “Awe uri Mwana wa Nyamuwanga!” Nawe Yeesu ˆnaagagonya na ꞉ataagekirisisiisye okugenderera okwayika kutyo rindi, kwa okubha gaariga gamenyere ati, Yeesu niwe Kirisito.

Mariko 15:39

Omwangarisi wa abhasirikare unu aariga eemereeguuyu ˆnaaragamiraga Yeesu, ejire aarora kutyo Yeesu ꞉aafuuwe, ˆnaayika ati, “Chimari, omuunu unu aariga ari Mwana wa Nyamuwanga!”

Matayo 28:17

Eyo niyo ꞉bhaamurorere. Bhejire bhaamurora, nibhamuramya, nawe abhaanu abharebhe agati yeebhwe nibhajira echiitimaato araabha ni Yeesu.

Matayo 28:9

Mbe, bhunu bhaariga bhachaagenda okubhwira abheeyigisibhwa bhaaye, awoawo Yeesu ˆnaabhugana nabho, ˆnaabhabhwira ati, “Naabhakeesya!” Nibhamujaa‑ko, nibhamuramya kwa okugwata amaguru gaaye.

Matayo 26:63

Nawe Yeesu ꞉ataasubhiisye omusango gwonegwone. Mbe, omugabhisi omukuru oyo ˆnaamubhwira rindi ati, “Enikurayisya kw‑isiina rya Nyamuwanga omuwanga, nuuchibhwire araabha naawe Kirisito, Omwana wa Nyamuwanga.”

Yowana 19:7

Abhatangasya bha Abhayawudi abho nibhamusubhya ati, “Eswe chiri na echiraagiro. Okuruubhana na echiraagiro echo, keendwa eetwe, kwa okubha keekora wuti ni Mwana wa Nyamuwanga.”

Ruuka 24:52

Nibhamuramya, bhejire bhaamara nibhasubha Yerusareemu nibhakonderwaga muno.

Matayo 27:54

Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”

Matayo 15:25

Omugasi oyo ˆnaafogera ku‑Yeesu, ˆneefukama imbere yaaye, ˆnaamwirembeeresya ati, “Raatabhugenyi, nuunsakire!”

Matayo 4:3

Niwo Syetaani ˆnaaja okumuregeeja. ˆNaamubhwira ati, “Araabha awe uri Mwana wa Nyamuwanga, indura amabhuyi ganu gabhe emikaate.”

Ebikorwa 8:36

Omwanya gunu bhaariga nibhagenderera na orugendo ku‑njira eyo, nibhakinga anu gaariga gari amanji. Omukuru oyo ˆnaabhwira Firipo ati, “Rora, anu gari‑wo amanji! Niki chinu echinganya okubhatiijibhwa?” [

Ruuka 8:28

Amasambwa ago, gaamuwungaga kwiya kaafu. Abhaanu bhaaregeejaga okumwangarira, kwa okumubhoya na amaseega na jinyoro. Noorwo kutyo, aariga ˆnaabhutura amaseega ago, ˆnaabhirimaga okuja mw‑ibhara. Mbe, Yeesu ˆnaagagonya amasambwa ago ati, “Musooke mu‑muunu unu!” Omuunu oyo, ejire aaringirana na Yeesu, ˆnaamura obhuraka ˆnaarira. ˆNaagwa bhwifumbike imbere ya Yeesu, ˆnaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki! Enikwirembeeresya, waasiga okunnyaasya!”

Mariko 14:61

Nawe Yeesu ˆnaajibhira jibhijibhi, ꞉ataasubhiisye omusango gwonegwone. Omugabhisi omukuru ˆnaagenderera okumubhuusya rindi ati, “Angu, naawe Kirisito, Omwana wa Nyamuwanga unu kaakusibhwa?”

Matayo 27:43

Omwene keeyikanya Nyamuwanga, ꞉aayikire ati, ‘Anye ni Mwana wa Nyamuwanga.’ Mbe, Nyamuwanga amuwonʼye woori araabha chimari kaamwenda.”

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Matayo 2:11

Mbe, nibheengira mu‑nju, nibharora omwana aamwi na Maryamu nyiramwene, nibheefukama nibharamya omwana oyo. Nibhasuruumura jisagwa jeebhwe, nibhasoosya‑mo ebhiyaanwa bhya inaaryo, obhubhaani na amafuta amarange, nibhayaana omwana oyo.

Matayo 14:32

Omwanya gunu Yeesu na Peetero ꞉bheengiiye mu‑ngama omwo, omuyaga nigutemekera.