Matayo 13:51 - Indagano Inyaaya mu-Chijita

⁵¹ Yeesu ˆnaabhuusya abheeyigisibhwa bhaaye ati, “Angu, mwasombookerwa joone jinu naabhabhwira?” Abheene nibhamusubhya ati, “Yee, chajisombookerwa.”

INDAGANO INYA:YA

⁵¹ Yesu nababu:sya ati, ?Mwasombo:kerwa omusango gunu? Nibe:kirisya ati, Yee!

Matayo 13:51 Referans Kwoze

Mariko 4:34

Gutari‑wo gwonegwone gunu ꞉eeyigisiisye atasoosiisye echijekekanyo wuri. Nawe, omwanya gunu aasigaraga eenyere na abheeyigisibhwa bhaaye, aabhasombooreraga joone.

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Mariko 7:18

ˆNaabhabhwira ati, “Noorwo emwe mutari na obhwenge bhwa okusombookerwa echijekekanyo echo? Mutakumenya ati, echiinu chinu echiingira mu‑nda ya omuunu, chitakutura okukora ajabhiyare?

Matayo 24:15

“Ku‑mwanya ogwo, murirora echiinu chinu omuragi Danyeeri ꞉aatogere ati ni chiinu cha okujabhiyasya na okunyamura. Echiinu echo nicho murirora chimereeguuyu ayeeru mw‑Iyekaru rya Nyamuwanga. Omuunu woonewoone unu kaasoma emisango jinu, asombookerwe kisi obhugajuro bhwajo.

Matayo 16:11

Mbawo mutakusombookerwa ati jinu naabhabhwira jitari inguru ya emikaate? Mbe, jinu enaayika ni ati, mwikenge echifwimbya cha Abhafarisaayo na Abhasadukaayo.”

Matayo 15:17

Mutakusombookerwa ati echiinu choonechoone chinu echiingira mu‑kanwa, echija mu‑nda ya omuunu, nichiiya nichisooka mu‑mubhiri gwaye nichisirwa emwira?

Matayo 13:50

Niwo bharyesa abhakosi bha ebhibhiibhi mu‑nyanja ya omuriro. Omwo nimwo bhaririraga na okuguguna ameeno.”

Matayo 13:52

Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”