Matayo 13:46 - Indagano Inyaaya mu-Chijita

⁴⁶ Ejire aabhona iruuru imwi ya obhugusi obhurambu muno, ˆnaagenda okugusya ebhiinu bhyone bhinu aariga ari nabhyo, ˆnaayigura.”

INDAGANO INYA:YA

⁴⁶ Wejire abona ru:ru imwi eyo bugusi bwafu, nagenda naka:na binu ariga anabyo byone, naigura.

Matayo 13:46 Referans Kwoze

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Bakolosai 2:3

Mu‑mwene oyo nimwo bhibhisirwe ebhibhiikwa bhyone bhya obhwengeeso na okusombookerwa.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Matayo 13:44

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echiinu cha obhugusi obhurambu, chinu chaariga chibhisirwe mw‑isambu. Rusuku rumwi, omuunu umwi ejire aachisongʼana, wone ˆnaachibhisa. Mbe ˆnaakonderwa muno, ˆnaagenda okugusya ebhiinu bhyone bhinu aariga ari nabhyo, ˆnaagura risambu eryo.

Obhusweruro 21:21

Amarango ekumi na ebhiri ago goone, gaariga gakonjerwe kwa iruuru. Bhuri rango, ryariga rikonjerwe kwa iruuru imwi era! Riparapara rinene rya omusi ogwo, ryariga rikonjerwe kwa inaaryo ya ekisi, inu yaariga nibharangirya rwa rirore.

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.

Matayo 13:45

“Ka wone, obhukama bhwa mu‑rwire bhuri rwa omukaani umwi wa ebhiinu unu ꞉aagendere okuyenja iruuru ya ekisi.

Matayo 13:47

Yeesu ˆnaabhabhwira rindi echijekekanyo echindi, ˆnaayika ati, “Ka wone, obhukama bhwa mu‑rwire bhuri rwa rikokooro rinu abhakokoosi bheesere mu‑nyanja, nirikoma jiiswi ja bhuri mbaga.

Obhusweruro 18:12

Ataribha‑wo omuunu owundi wa okugura ebhiinu bhyebhwe bhya inaaryo, jipirya, iruuru noorwo amabhuyi ga obhugusi obhurambu. Ataribha‑wo omuunu wa okugura ibhafuta ya ekisi, omwenda gwa ekisi gwa ijambarawu na jitukurasi. Ka wone ataribha‑wo omuunu wa okugura ebhiinu bhya jimbawu ja omwotwa, noorwo ebhiinu bhinu bhikonjerwe kwa amayembe ga jinjofu bhya jimbawu ja obhugusi obhurambu, noorwo bhya isyabha, echuuma amwi amabhuyi ge ekisi.