Matayo 13:41 - Indagano Inyaaya mu-Chijita

⁴¹ Anye Omwana wa Omuunu, nirituma bhamaraayika bhaani, korereki bhakumanye okusooka mu‑bhukama bhwani, abhakosi bha ebhibhiibhi bhoone na abhaanu bhoone bhanu ꞉bhaaretereeye abheejaabho okukora ebhibhiibhi.

INDAGANO INYA:YA

⁴¹ Omwana wo mu:nu arituma bamaraika bae bariso:sya mu bukama bwae binu ebiyabya byone na bo:ne banu abakora obunyamusi.

Matayo 13:41 Referans Kwoze

Matayo 24:31

Niwo nirituma bhamaraayika bhaani. Bharibhuma muno rinyawegoona, korereki bhakumanye abhasorwa bhoone bha Nyamuwanga okusooka mbaara joone ena ja echaaro. Abhasorwa abho, bhariija okusooka ku‑bhuteero bhwa echaaro okukingira ku‑bhuteero bhwa orubhaara orundi rwa echaaro.”

Obhusweruro 21:27

Nawe echiinu choonechoone chinu chiri echijabhi chitariingira mu‑musi omwo noorwo na akatyari, noorwo omuunu woonewoone unu kaakora emisango jinu ejifuruurusya amwi ja orubheeyi. Tari bhanu bhariingira mu‑musi omwo ni bharya era bhanu amasiina geebhwe gakaamirwe mu‑chitabho cha obhuwanga cha Omwana wa Inaama.

Matayo 18:7

Jiribhabhona emwe abhaanu bha echaaro chinu, ku‑songa ya okukora emisango jinu ejireterera abhaanu okukora ebhibhiibhi! Chimari ati amaregeejo agakenwa gabhe‑wo, nawe jiribhona omuunu unu arireterera amaregeejo ago!

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Barumi 2:16

Nikwo kutyo jiribha ku‑rusuku rwa indamu. Nyamuwanga ariramura abhaanu okutura ku‑Kirisito Yeesu, noorwo emisango jeebhwe ja imbisike, rwa kutyo ejaayika Emisango ja Ekisi jinu eniraasya.

Matayo 13:49

Nikwo kutyo jiribha ku‑rusuku rwa obhuteero bhwa echaaro chinu. Bhamaraayika bhariija na okwawura abhakosi bha ebhibhiibhi na abhaanu abharengeresi imbere ya Nyamuwanga.

Mariko 13:27

Niwo nirituma bhamaraayika bhaani, korereki bhakumanye abhasorwa bha Nyamuwanga okusooka mbaara joone ena ja echaaro, nikwo okwayika ati, okusooka bhuri rubhaara ku‑chaaro choone.”

Matayo 8:20

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Matayo 3:12

Agwatiriiye oruwungo mu‑ngaro jaaye korereki awungure obhuro. Obhuro bhwa ekisi aribhubhiika mu‑chitara chaaye, nawe amakumbi arigoocha mu‑muriro gunu gutarisima.”