Matayo 12:33 - Indagano Inyaaya mu-Chijita

³³ “Riiti rya ekisi, eritwasya amatwasyo ga ekisi, na riiti ribhiibhi eritwasya amatwasyo amabhiibhi. Owutura okumenya ati, riiti ni rya mbaga ki ku‑matwasyo ganu eritwasya.

INDAGANO INYA:YA

³³ Mukorega riti kuba rya bwana na matwasyo garyo one ga bwana, amwi mukorega riti kuba ebi:bi na matwasyo gendeko one kuba mabi:bi. Okuba riti ryone erimenyeka ku matwasyo garyo.

Matayo 12:33 Referans Kwoze

Yakobo 4:8

Mufogererega Nyamuwanga, niwo omwene wone aribhafogerera. Emwe abha ebhibhiibhi, musige ebhibhiibhi bhyemwe na mukore ja ekisi. Emwe abha emitima ebhiri, muruubhe Nyamuwanga kwa emyoyo jeemwe joone.

Ruuka 3:9

Woori indamu ya Nyamuwanga iri inguru yeemwe rwa imbasa inu iteeywe ku‑masina ga amati. Abhaanu bhanu bhatakukora ebhikorwa bhya ekisi bhariramurwa, rwa kutyo bhuri riiti rinu ritakutwasya amatwasyo ga ekisi eritemwa na okweswa mu‑muriro.”

Yakobo 3:12

Abhayiri bhaani mu‑riikirisya ritiini eritura kutiki okutwasya emijeyituuni? Amwi riiti rya rijabhiibhu eritura kutiki okutwasya jitiini? Nyabhuriko, omumiro gwa amanji ga omuunyu gutakutura okusoosya amanji amanunuriiye.

Matayo 23:26

Emwe Abhafarisaayo abhawofu! Nyabharinyabhari mutangate mute ebhibhiibhi bhinu bhiri mu‑myoyo jeemwe, rwa kutyo omwosya obhukoote bhunu bhuri mu‑mutawo. Nikwo kutyo, ebhikorwa bhyemwe wone ebhija okubha bhya ekisi, rwa kutyo omutawo anja ogubha gwerere gukabha gwosiibhwe.