Matayo 12:15 - Indagano Inyaaya mu-Chijita

¹⁵ Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye.

INDAGANO INYA:YA

¹⁵ Yesu okuba ariga amenyere, naso:kayo. Aba:nu ba:fu nibamuru:ba, nabaosya bo:ne.

Matayo 12:15 Referans Kwoze

Matayo 10:23

Araabha bharibhanyaasya mu‑musi omurebhe, mbe mwirukire mu‑musi ogundi. Ni chimari enibhabhwira ati, mutarimara emirimu jeemwe mu‑misi joone ja Yisirayeeri, anye Omwana wa Omuunu nichaari kuuja.

Yowana 11:54

Kurwa ejo, Yeesu ˆnaasiga okuribhata abhwerubhweru mu‑mukoowa gwa Yuudeya. ˆNaasooka awo, ˆnaagenda orubhaara runu rwariga ruri yeeyi na ribhara, mu‑musi gunu ogutogwa ati Ifurayimu, ˆneekara eyo aamwi na abheeyigisibhwa bhaaye.

Yowana 7:1

Ejo jejire jaawa, Yeesu ˆnaamba okwiyinda mu‑mukoowa gwa Gariraaya. ꞉Ateendere okwiyinda mu‑mukoowa gwa Yuudeya, kwa okubha abhatangasya bha Abhayawudi bhaayenjaga okumwita.

Matayo 19:2

Ebhise bhyafu bhya abhaanu nibhamuruubha eyo, omwene ˆnaawosya abharwaye bheebhwe.

Mariko 6:56

Woonewoone anu ꞉aajiiye, ibhe iri mu‑nguuyo, mu‑misi amwi mu‑chaaro chirya, bhaariga nibhamureetera abharwaye mu‑maguriro. Nibheerembeeresya Yeesu ati, eekirisisye abharwaye abho bhakuunʼye noorwo ku‑bhisangʼarye bhya ku‑bhufunyiro bhwa omwenda gwaye era. Niwo bhoone bhanu ꞉bhaabhikuniisye‑ko, nibhawora.

1 Petero 2:21

Omukenwa mwigumiirisye kutyo, kwa okubha noorwo Kirisito omwene ꞉aanyaasiibhwe inguru yeemwe. Ejire aakora kutyo, ꞉aabhasigiiye echijekekanyo, korereki muruubhe orugere rwaye.

Bagalatia 6:9

Kurwa ejo, chisige okuyigwa okukora ebhikorwa bhya ekisi! Araabha echiigumiirisya mu‑kukora ja ekisi, chirigesa ja ekisi omwanya gwa okugesa gukakinga.

Yowana 9:4

Chikenerwe okukora emirimu ja Nyamuwanga unu ꞉aantumire, kuchaari mu‑mwisi. Okubha ingeta eyiija, na chitakuja okutura okukora emirimu ejo.

Ruuka 6:12

Mu‑siku ejo, Yeesu ˆnaagenda ku‑chiima okusabhwa Nyamuwanga, ˆnaamusabhwa ingeta yoona.

Ruuka 5:22

Yeesu ˆnaamenya emisango jinu bhaariga nibheeganirisya mu‑myoyo jeebhwe, ˆnaabhabhuusya ati, “Ni kurwa ki omwiganirisya kutyo mu‑myoyo jeemwe?

Ruuka 9:11

Nawe abhaanu bhejire bhaamenya orubhaara runu ꞉aajiiye, nibhamuruubha. ˆNaabhakuma, ˆnaamba okubheeyigisya emisango inguru ya obhukama bhwa Nyamuwanga. Abharwaye mu‑bhaanu abho, bhaawosibhwaga.