Matayo 11:6 - Indagano Inyaaya mu-Chijita

⁶ Ari na ribhando omuunu woonewoone unu atari na echiitimaato mu‑mwoyo gwaye inguru yaani.”

INDAGANO INYA:YA

⁶ Na ana ribando unu wo:ne atarinyi-ku:jurako.

Matayo 11:6 Referans Kwoze

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

Matayo 26:31

Mbe, Yeesu ˆnaabhwira abheeyigisibhwa bhaaye ati, “Mu‑ngeta ya reero, emwe bhoone omuja okunyiiruka na okunsiga. Jiribha rwa kutyo Nyamuwanga ꞉aayikire mu‑Bhikaame Ebhyeru ati, ‘Niriita omureefi wa jinaama na riyijo rya jinaama ririnyarambuka.’

Yowana 6:66

Okusookerera omwanya gunu ꞉bhoonguuwe emisango ejo, abhaafu mu‑bheeyigisibhwa bhaaye, nibhamusiga, ꞉bhataaruubheene nage rindi.

Matayo 24:10

Niwo abhaanu bhaafu bharisiga okunduubha. Bhariromerana iniku na okusokana abheene kwa abheene.

1 Petero 2:8

Ka wone, “Ribhuyi eryo ni rya okwikuujura‑ko, ni rutare rwa okugwisya abhaanu.” Abhaanu abheekuujura‑ko, kwa okubha bhatakugayuka omusango gwa Nyamuwanga. Ka wone nikwo kutyo bhaariga bhakarariiywe okusookerera kara.

Matayo 18:7

Jiribhabhona emwe abhaanu bha echaaro chinu, ku‑songa ya okukora emisango jinu ejireterera abhaanu okukora ebhibhiibhi! Chimari ati amaregeejo agakenwa gabhe‑wo, nawe jiribhona omuunu unu arireterera amaregeejo ago!

Bagalatia 5:11

Abhayiri bhaani, abhaanu abhandi abhaayika ati, anye nichaaraasya ati abharume bhoone abhakenwa bhatendwe. Araabha jikabheeye echimari ati nichaaraasya kutyo, ni kurwa ki woori Abhayawudi abhannyaasya? Araabha naakabheeye nindaasya kutyo, okuraasya kwani inguru ya emisango ja omusarabha gwa Yeesu, jitaakaretereeye Abhayawudi bhaansoke.

Ruuka 2:34

Simiyooni ˆnaabhasabhirwa amabhando, ˆnaabhwira Maryamu nyiramwene omwana oyo ati, “Ringira! Omwana unu asorerwe na Nyamuwanga ati, asingaarisye Abhayisirayeeri bhaafu, na arichungura Abhayisirayeeri abhandi bhaafu. Aribha echibharikisyo chinu chiriremwa na abhaanu.

Matayo 5:29

Mbe, araabha eriiso ryawo rya ebhuryo rikakureterera okukora echibhiibhi, nuuriiye‑mo na okuryesa kura. Ni akiri kusingaarisya echiwuga chimwi woori, okukira omubhiri gwawo gwone okweswa mu‑muriro gwa akajaanende koone.

Matayo 13:21

Nawe, kaagayuka emisango ejo katungu katooto era, kwa okubha eriikirisya ryaye ryariga riri rya ingurunguru era. Mbe, araabha ebhinyaasyo amwi amaregeejo gaakamubhona ku‑songa ya emisango inguru ya obhukama bhwa mu‑rwire, awoawo kaasiga eriikirisya eryo.

Mariko 6:3

Unu atari mubhuya wurya, omwana wa Maryamu? Abhamura bhaabho bhatari Yakobho, Yoose, Yuuda na Simooni? Angu, abhayara bhaabho bhatari bhanu chiikaaye nabho anu?” Nibhamubhiyirirwa, nibharema okumwikirisya.

Ruuka 7:23

Ari na ribhando omuunu woonewoone unu atari na echiitimaato mu‑mwoyo gwaye inguru yaani!”

Yowana 16:1

“Naabhabhwira joone ejo korereki mwasiga okusiga eriikirisya ryemwe.