Matayo 10:5 - Indagano Inyaaya mu-Chijita

⁵ Mbe, Yeesu ˆnaatuma jitumwa ekumi na bhabhiri abho, ˆnaabharagirira, ˆnaabhabhwiraga ati, “Mwasiga okuja mu‑bhyaro bhya abhaanu bhanu bhatari Bhayawudi, ka wone, mwasiga okwingira mu‑musi gwonegwone gwa Abhasamaariya.

INDAGANO INYA:YA

⁵ Yesu nabatuma abo ekumi na babiri, nabaragirira ati, Mutaja kugenda mu njira ja bamaanga nakabee kuri kwingira mu misi ja Basamaria.

Matayo 10:5 Referans Kwoze

Yowana 4:9

Mbe, omugasi oyo ˆnaamusubhya ati, “Awe uri Muyawudi, anye niri Musamaariya. Ejibha kutiki unsabhwe nikuyaane amanji ga okunywa?” ꞉Aayikire kutyo, kwa okubha Abhayawudi bhaariga bhatakusaasikana aamwi na Abhasamaariya.

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!

Ruuka 17:16

Ejire aakinga ku‑Yeesu, ˆnaagwa bhwifumbike ku‑maguru gaaye, enu ˆnaamusiimaga. Omuunu oyo, aariga ari Musamaariya.

Ebikorwa 10:45

Abhayawudi bhanu ꞉bheekirisiisye Kirisito bhanu ꞉bheejire na Peetero, ꞉bhaatangʼangʼaaye muno okurora ati, Nyamuwanga ꞉aayaaye noorwo abhaanu bhanu bhatari Bhayawudi echiyaanwa cha Mwoyo Mweru.

Ruuka 9:2

Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Yowana 20:21

Yeesu ˆnaabhakeesya rindi ati, “Omurembe gubhe aamwi na emwe. Rwa kutyo Raata ꞉aantumire, nyabhuriko anye wone enibhatuma.”

Yowana 7:35

Niwo Abhayawudi nibhabhuusyanya abheene kwa abheene ati, “Angu, omuunu unu arija aaki anu eswe chitarimubhona? Angu, keenda okugenda ku‑Bhayawudi bhanu bhanyarambukiiye mu‑bhyaro ebhindi, na okwiyigisya abhaanu bhanu bhatari Bhayawudi?

Yowana 4:5

Mbe, nibhakinga mu‑ruguuyo rumwi rwa Abhasamaariya runu rwariga nirutogwa ati Sikaari. Oruguuyo orwo rwariga rusijeene na risambu rinu Yakobho ꞉aasoosiisye kara okubha omwanjuro ku‑Jejefu omwana waaye.

Ruuka 10:33

“Katungu katooto okutura, ˆnaaja Omusamaariya umwi unu aariga ˆnaagenda orugendo. Omwene wone ˆnaatura ku‑njira okwo. Ejire aakinga ku‑muunu oyo, ˆnaafwira echigongo omuunu oyo.

Matayo 4:15

“Mutegeresye, emwe abhaanu bha echaaro cha Jaabhurooni na cha Naafitaari, jimbaara jinu jiri ku‑njira ya okurosya ku‑nyanja, na ku‑ngego ya omusima gwa Yorodaani, mu‑Gariraaya anu bheekaaye abhaanu bha amaanga agandi.

Ebikorwa 8:1

Bhejire bhaamara okumwita, abhaanu bhanu bhaagayukaga Nyamuwanga nibhasiika Tefwano na okumuririra muno. Orusuku runu Tefwano ꞉eetirwe, abheekirisya bha Yerusareemu nibhaamba okunyaasibhwa muno. Abhaafu mu‑bheene nibhabhirima, nibhanyaragana mu‑mikoowa ja Yuudeya na Samaariya. Yerusareemu awo ꞉jaasigaaye‑wo jitumwa ja Yeesu.

Yowana 8:48

Abhayawudi nibhabhuusya Yeesu ati, “Chitakwayika echimari ati, awe uri Musamaariya, ka wone uri na risambwa?”

Yowana 4:20

Bhasaaja weeswe bhaariga nibharamya Nyamuwanga ku‑chiima chinu cha Gerejimu, nawe emwe Abhayawudi omwayika ati, ni bhusibhusi chigende okuramya Nyamuwanga mu‑Yerusareemu.”

Ruuka 10:1

Mbe, ejo jejire jaawa, Raatabhugenyi Yeesu ˆnaawura abharuubhirisya abhandi makumi gataanu na gabhiri na bhabhiri. ˆNaabhatuma bhabhiribhiri, bhamutangatire mu‑misi na bhuri rubhaara, anu omwene aariga eendere okukinga.

Matayo 22:3

Omukama oyo ˆnaaragirira abhakosi bhaaye bhagende okubhirikira abhaanu bhanu bhaariga bhakokerwe ati bhaaje mu‑bhuregesi, nawe bhoone nibharema okuuja.

Mariko 6:7

ˆNaabhirikira abheeyigisibhwa bhaaye ekumi na bhabhiri. ˆNaabhayaana obhuturo bhwa okusoosya amasambwa mu‑bhaanu, ˆnaabhatuma bhabhiribhiri.

Ruuka 9:1

Rusuku rumwi, Yeesu ˆnaabhirikira jitumwa jaaye ekumi na bhabhiri. ˆNaabhayaana obhuturo bhwa okusoosya amasambwa mu‑bhaanu na obhwa okuwosya amarwara.

Yowana 17:18

Rwa kutyo ꞉waantumire anye ku‑chaaro kunu, nyabhuriko anye wone naabhatuma ku‑chaaro kunu.