Mariko 9:9 - Indagano Inyaaya mu-Chijita

⁹ Omwanya gunu bhaariga nibheeka okusooka ku‑chiima chirya, Yeesu ˆnaabharagirira ati bhaasiga okubhwira omuunu woonewoone jinu bhaarora, okukingira omwanya gunu Omwana wa Omuunu aribhaga asuurukire okusooka mu‑bhafuuwe.

INDAGANO INYA:YA

⁹ Wejire be:ka ku ci:ma, nabakomeresya basige kubwirako mu:nu binu barora, tari Omwana wo mu:nu ariba amara okusu:ka mu bafu:ye.

Mariko 9:9 Referans Kwoze

Mariko 5:43

Yeesu ˆnaabhagaanya muno ati bhaasiga okubhwira omuunu woonewoone jinu ꞉jaakorekeene. ˆNaabhwira abheebhusi bha omuyarakaji oyo ati, “Mumuyaane ebhiryo.”

Matayo 12:40

Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi, nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.

Ruuka 24:46

Ka wone ˆnaabhabhwira ati, “Jikaamirwe ati, Kirisito arinyaasibhwa na okwitwa na ku‑rusuku rwa kasatu arisuuruka okusooka mu‑bhafuuwe.

Matayo 27:63

Nibhabhwira Piraato ati, “Mwami, echiichuka ati bhunu omubheeyi urya aariga achaari muwanga, ꞉aayikire ati, ‘Ku‑rusuku rwa kasatu, nirisuuruka okusooka mu‑bhafuuwe.’

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

Matayo 12:19

Ataribhambasyanya na abhaanu, noorwo okukora injogere nabho, ka wone, ataryamura obhuraka imbere ya abhaanu.

Matayo 8:4

Neeya Yeesu, ˆnaamubhwira ati, “Waasiga okubhwira omuunu woonewoone inguru ya omusango gunu! Tari nuugende ku‑mugabhisi akurore, usoosye echoogo rwa kutyo ebhiraagiro bhya Muusa ꞉bhyaragiriiye, korereki bhubhe obhubhambaasi ku‑bhaanu ati, weesibhwa.”

Mariko 7:36

Yeesu ˆnaakomeeresya echise cha abhaanu bharya ati, bhaasiga okubhwira omuunu woonewoone jinu aakora. Nawe kutyo ꞉aagendereeye okubhagaanya, nikwo kutyo ꞉bhaagendereeye muno okuraasya emisango ejo.

Mariko 9:8

Awoawo abheeyigisibhwa bharya nibhamagamaga enu na eyi, ꞉bhataarorere omuunu owundi, tari Yeesu eenyere.

Mariko 9:10

Abheeyigisibhwa abho nibhagwata omusango ogwo, nawe nibhabhuusyanyaga abheene kwa abheene ati, “Okusuuruka okusooka mu‑bhafuuwe obhugajuro bhwagwo niki?”

Ruuka 9:36

Emisango ejo jejire jaawa, abheeyigisibhwa abho nibharora Yeesu ari eenyere. Emisango joone jinu ꞉bhaarorere awo, ꞉bhataajitondeeye omuunu woonewoone mu‑siku ejo.