Mariko 6:51 - Indagano Inyaaya mu-Chijita

⁵¹ Yeesu ˆnaariinya mu‑ngama omwo, omuyaga nigutemekera. Nibharuguura muno,

INDAGANO INYA:YA

⁵¹ Narinya mu bwato aamwi nabo omuyaga nigufwa. Nibataŋaŋara muno mu mitima jebwe,

Mariko 6:51 Referans Kwoze

Mariko 4:39

Niwo Yeesu ˆneemuka ˆnaagonya omuyaga, ˆnaabhwira inyanja ati, “Choreera uteekane! Siiriika!” Omuyaga gurya nigutemekera, inyanja niibha etore chimwi.

Yowana 6:21

Mbe, abheene nibheenda ati ariinye mu‑ngama. Awoawo, ingama niikinga ku‑chaaro anu bhaagendaga.

Mariko 7:37

Nibharuguura muno, nibhaayika ati, “Joone jinu aakora ni ja kisi. Kaawosya abhaanu abha amatwi, bhoongwe, na abhajibhi, bhaayike!”

Mariko 6:32

Nibhariinya mu‑ngama, nibhagenda orubhaara runu abhaanu bhaariga bhatari.

Mariko 5:42

Omuyarakaji oyo aariga ari na emiguuga ekumi na ebhiri. Awoawo, ˆneemereeguru, ˆnaamba okuribhata. Abhaanu nibharuguura muno.

Mariko 4:41

Nibhoobhaya muno, nibhabhuusyanya ati, “Si unu niga? Noorwo omuyaga na amakonjo ebhimugayuka!”

Mariko 2:12

Awoawo, omuunu oyo ˆneemereeguru, ˆnaagega riraro ryaye, ˆnaawuruka anja, bhoone bhanu bhaariga bhari arya nibharuguura na okukusya Nyamuwanga, nibhaayikaga ati, “Chichaariga okurora kata echikorwa rwa chinu!”

Mariko 1:27

Abhaanu bhoone nibharuguura muno, nibhabhuusyanya ati, “Niki chinu? Ameeyigisyo amayaaya ago, gari na obhuturo! Ka wone, muringire, ari na amanaga noorwo ga okugonya amasambwa, wone agamugayuka.”

Matayo 8:10

Yeesu ejire oongwa emisango ejo, ˆnaaruguura muno. ˆNaabhwira abhaanu bhanu bhaamuruubhaga ati, “Ni chimari enibhabhwira ati, nichaariga okurora omuunu woonewoone owa eriikirisya enene rwa rinu, mu‑Bhayisirayeeri bhoone!