Mariko 6:11 - Indagano Inyaaya mu-Chijita

¹¹ Ka wone, woonewoone anu abharema okubharamira amwi okubhategeresya, musooke‑wo nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”

INDAGANO INYA:YA

¹¹ Anu wo:ne barirema okubakuma, amwi kubongwa, wora mwaso:kayo, mwekununa oruteri runu ruri mu bigere byemwe, rube rusingiro ku bene.

Mariko 6:11 Referans Kwoze

Ebikorwa 18:6

Abhayawudi abho nibhamurema na okumufuma muno, omwene ˆnaakubhura emyenda jaaye, kwa okurema emisango jeebhwe, ˆnaabhabhwira ati, “Isagama yeemwe ibhe inguru yeemwe abheene! Anye, nitari na esoro, naakuumisya jinu naariga ninkenwa okukora. Okwambira woori, enija okugenda ku‑bhaanu bhanu bhatari Bhayawudi.”

Yuuda 1:7

Mwichuke wone, jinu ꞉jaabhwene abhaanu bha emisi ja Sodoma na Gomoora na bha emisi jinu jaariga jisiijeene nabho. Abhaanu abho, ꞉bhaakorere emisango rwa jinu bhamaraayika abho, ꞉bhaakorere. Bhaakoraga obhuromesi na okuruubha okurigira okubhiibhi kwa emibhiri kunu kutari kwa obhusimukwa. Indamu yeebhwe, yaariga iri okwochiibhwa mu‑muriro. Kurwa ejo, indamu eyo yaabha echijekekanyo cha okuyaanwa ebhitiibha mu‑muriro gwa akajaanende koone.

1 Yoana 4:17

Ku‑njira eyo, eryenda ryaye erikuumira mu‑myoyo jeeswe, korereki chibhe na ribhaasi orusuku rwa okuramurwa. Okubha obhurame bhweswe mu‑chaaro munu, bhuri rwa kutyo Yeesu ꞉aaramire.

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.

2 Petero 2:9

Kurwa ejo, Raatabhugenyi kaamenya kutyo kaawonʼya okusooka mu‑maregeejo abhaanu bhanu abhamugayuka. Ka wone, kaamenya kutyo kaja okuyaana ebhitiibha abhakosi bha ebhibhiibhi orusuku rurya rwa okuramurwa,

2 Petero 2:6

Ka wone, Nyamuwanga ˆnaasingaarisya kwa omuriro emisi ja Sodoma na Gomoora na abhaanu bha emisi ejo. ˆNaabhakora bhabhe echijekekanyo ku‑bhaanu bhanu bhatakumugayukaga.

Barumi 2:16

Nikwo kutyo jiribha ku‑rusuku rwa indamu. Nyamuwanga ariramura abhaanu okutura ku‑Kirisito Yeesu, noorwo emisango jeebhwe ja imbisike, rwa kutyo ejaayika Emisango ja Ekisi jinu eniraasya.

Barumi 2:5

Awe uri na echigundu, ka wone owurema okuta ebhibhiibhi bhyawo. Kurwa ejo mbe, owiibhiikira ebhitiibha ku‑rusuku runu Nyamuwanga arisoosya indamu yaaye ya obhurengeresi.

Ruuka 9:5

Araabha abhaanu bheende‑wo bhaakarema okubhakuma, musooke‑wo, nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”

Matayo 12:36

Mbe, enibhabhwira ati, ku‑rusuku rurya rwa indamu, abhaanu bharisoosya obhukumi inguru ya bhuri musango omubhiibhi gunu ꞉bhaayikire.

Mariko 6:10

Ka wone, ˆnaabhabhwira ati, “Mu‑nju yooneyoone munu bharibharamira, mwikare omwoomwo, okukingira orusuku runu murisooka mu‑ruguuyo orwo.