Mariko 4:7 - Indagano Inyaaya mu-Chijita

⁷ Jimbibho ejindi nijigwa mu‑mawa. Amawa ago gejire gaakura, nigayiganya ebhiimesya ebhyo, nibhitaamibhwa okutwasya amatwasyo.

INDAGANO INYA:YA

⁷ Ejindi nijigwa mu mawa. Amawa nigakura nigajisoritya nijirema okutwasya amatwasyo.

Mariko 4:7 Referans Kwoze

Ruuka 8:14

“Jimbibho jinu ꞉jaaguuwe mu‑mawa, ejisusanyibhwa na abhaanu bhanu abhoongwa omusango gwa Nyamuwanga, nawe nibhayiganywa na obhwiganirisya bhwa obhurame bhwa ku‑chaaro na obhurigire bhwa obhuniibhi. Ejo nijo ejikora eriikirisya ryebhwe ritakusoosya amatwasyo ga ekisi.

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

Ruuka 12:15

Niwo, Yeesu ˆnaabhwira abhaanu abho ati, “Murore! Mwikenge na omuruuru gwa ebhiinu! Okubha, obhuwanga bhwa omuunu, bhutakusookana na obhwafu bhwa ebhiinu bhyaye.”

Ruuka 8:7

Ejindi nijigwa mu‑mawa. Amawa ago, gejire gaakura nigajiyiganya, kurwa ejo ꞉jitaakurire.

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Matayo 13:7

Jimbibho ejindi nijigwa mu‑mawa. Amawa ago gejire gaakura, nigajiyiganya, ku‑bhuteero nijifwa.

Matayo 13:8

Jimbibho ejindi nijigwa mu‑mayaru ga ekisi. Jimbibho ejo jejire jaakura, ejindi nijitwasya amatwasyo egana rimwi, ejindi nijitwasya amatwasyo makumi gataanu na rimwi na ejindi nijitwasya amatwasyo makumi gasatu.

Mariko 4:6

Nawe omuumwi gwejire gwaka, ebhiimesya nibhiwotoka na okuuma, kwa okubha emisi jaariga jiri ingurunguru era.

Mariko 4:8

Jimbibho ejindi nijigwa mu‑mayaru ga ekisi. Jimbibho ejo jejire jaakura, ejindi nijitwasya amatwasyo makumi gasatu, ejindi nijitwasya amatwasyo makumi gataanu na rimwi na ejindi nijitwasya amatwasyo egana rimwi!”