Mariko 3:5 - Indagano Inyaaya mu-Chijita

⁵ Yeesu ˆnaaroreerera nekeneke Abhafarisaayo bhoone abhiyiriiywega, keenu asurumbaayega inguru ya obhukomeeye bhwa emyoyo jeebhwe. Niwo ˆnaabhwira omuunu oyo ati, “Gorora okubhoko kwawo.” Omuunu oyo ˆnaakugorora, awoawo ˆnaawora!

INDAGANO INYA:YA

⁵ Nabarore:rera ei nei abiiywe, asurumbae kurwo bukomee bwe mitima jebwe, namubwira omu:nu ati, Gorora okuboko kwao. Nakugorora okuboko kwae, nikuora.

Mariko 3:5 Referans Kwoze

Ruuka 6:10

Yeesu ˆnaaroreerera nekeneke abhaanu bhoone bhanu bhaariga bhari awo. Ejire aamara ˆnaabhwira omuunu oyo ati, “Gorora okubhoko kwawo.” Omuunu oyo ˆnaakugorora, awoawo ˆnaawora.

Baefeso 4:18

Obhusombookerwa bhwebhwe bhuri‑mo echisuute, bhakindikirwe kura okusooka ku‑bhuwanga bhwa Nyamuwanga, ku‑songa ya obhumuumu bhunu bhubhari‑mo okuruubhana na obhukomeeye bhwa emyoyo jeebhwe.

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

Matayo 12:13

Neeya Yeesu ˆnaabhwira omuunu unu okubhoko kwaye kwariga kufuuwe ati, “Gorora okubhoko kwawo.” Omuunu oyo, ˆnaakugorora, awoawo ˆnaawora, nikubha rwa okundi kurya.

Obhusweruro 6:16

Nibhabhwira ebhiima ebhyo na amabhuyi ago ati, “Muchigwire! Muchibhise, korereki unu eenyanjire ku‑chitebhe cha ingʼoma asige okuchirora. Muchibhise, chiiruke risungu rya Omwana wa Inaama.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Baeburania 3:17

Ka wone, ni bhaanu ki bhanu Nyamuwanga ꞉aabhiyiriiywe miguuga makumi gana? Bhatari bhanu ꞉bhaakorere ebhibhiibhi, nibhafwa mw‑ibhara?

Baefeso 4:30

Musige okusurumbasya Mwoyo Mweru wa Nyamuwanga, kwa okubha omwene oyo, niwe orunabho rwaye kw‑imwe ati, orusuku oruuja runu muryerurwa chimwi.

Baefeso 4:26

Mukabhiyirwa mutaja okukora echibhiibhi, noorwo risuubha risige okugwa, risungu richaari okubheeka.

2 Bakorinto 3:14

Nawe emyoyo jeebhwe nijikorwa okubha emikomeeye. Noorwo woori bhaakasoma Indagano ya Kara, abhataamibhwa okusombookerwa echimari, abhabha wuti bhayingirisiibhwe na echitambaara chirya. Echitambaara chirya chichaari kusoosibhwa‑wo, kwa okubha echisoosibhwa‑wo era, omwanya gunu omuunu keekirisya Kirisito.

Yowana 9:7

Niwo ˆnaabhwira omuwofu oyo ati, “Genda wiyosye obhusu mw‑itanga rya Sirowaamu.” Obhugajuro bhwa Sirowaamu ni “Unu atumirwe.” Niwo omuwofu oyo ˆnaagenda, ˆneeyosya obhusu, ˆnaasubha iika ewaaye ˆnaaroraga kisi.

Ruuka 17:14

Yeesu ejire aabharora, ˆnaabhabhwira ati, “Mugende mwiyeresye ku‑bhagabhisi ati mwawora.” Omwanya gunu bhaariga nibhagenda, nibheesibhwa.

Ruuka 13:15

Nawe, Raatabhugenyi Yeesu ˆnaabhasubhya ati, “Abheerimaanya emwe! Niga agati yeemwe unu atakwigurira iingʼa yaaye amwi isikiri yaaye okusooka mw‑igutu ayisire okunywa amanji ku‑rusuku rwa Isabhaato?

Baeburania 3:10

Ku‑songa eyo ꞉naabhiyiriiywe abhaanu abho, ninaayikaga ati, ‘Siku joone abhaanu bhanu bhatari bheeyikanyibhwa, ni bhaanu bhanu bhatakwenda okuruubha jinjira jaani.’

Mariko 3:4

Niwo Yeesu ˆnaabhuusya Abhafarisaayo ati, “Woori, ebhiraagiro bhya Muusa ebhiikirisya okukora gwa ekisi amwi okukora emibhiibhi ku‑rusuku rwa Isabhaato, okuwonʼya omuunu amwi okumwita?” Abheene nibhajibhira jibhijibhi.