Mariko 2:5 - Indagano Inyaaya mu-Chijita

⁵ Yeesu ejire aarora eriikirisya ryebhwe, ˆnaabhwira omurwaye oyo ati, “Omwana waani, waafwirwa echigongo ebhibhiibhi bhyawo.”

INDAGANO INYA:YA

⁵ Yesu ejire arora okwikirisya kwebwe, nabwira omukomborike ati, Mwana wani, we:swaririrwa ebibi:bi byao.

Mariko 2:5 Referans Kwoze

Matayo 9:2

Ejire aakinga eyo, abhaanu abhandi nibhamureetera omuunu unu aariga afuuwe omubhiri, amaamire kw‑iraro. Yeesu ejire aarora eriikirisya ryebhwe, ˆnaabhwira omurwaye oyo ati, “Omwana waani, siiriika! Waafwirwa echigongo ebhibhiibhi bhyawo.”

Yakobo 5:15

Bhakamusabhirwa bhari na eriikirisya, omurwaye oyo ariwora. Raatabhugenyi arimwinamusya na araabha aariga akorere ebhibhiibhi, arifwirwa echigongo ebhibhiibhi ebhyo.

Matayo 9:22

Ejire aayikuunʼya‑ko, awoawo Yeesu ˆneekebhuukira inyuma. Ejire aarora omugasi oyo, ˆnaamubhwira ati, “Muyaasya waani, siiriika! Waawosibhwa ku‑songa ya eriikirisya ryawo!” Awoawo, omugasi oyo ˆnaawora.

Baefeso 2:8

Okubha muchunguuywe kwa obhwitiriranya bhwaye, ku‑njira ya okwikirisya Yeesu. Obhuchungusi obhwo, bhutasookere kw‑imwe, tari ni chiyaanwa cha Nyamuwanga kw‑imwe.

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Yowana 5:14

Ejo jejire jaawa, Yeesu ˆnaasongʼana omuunu oyo mu‑rubhuga rwa Riyekaru, ˆnaamubhwira ati, “Tegeresya, woori waawora. Waasiga okukora ebhibhiibhi rindi, kwa okubha ukagenderera okukora ebhibhiibhi, owuja okunyaaka okukira kutyo waariga nuunyaaka ku‑bhwambiro.”

Ruuka 5:20

Yeesu ejire aarora eriikirisya rya abhaanu abho, ˆnaabhwira omurwaye oyo ati, “Musaani, waafwirwa echigongo ebhibhiibhi bhyawo!”

Bakolosai 3:13

Mwigumiirisyanye na okufwirana echigongo. Araabha owumwi weemwe ari na omusango ku‑weejaabho, abheendwa bhafwirane echigongo. Rwa kutyo Raatabhugenyi Yeesu ꞉aabhafwiriiye echigongo emwe, emwe wone mufwire echigongo abhandi.

2 Bakorinto 2:10

Mukafwira echigongo omuunu oyo, anye wone enimufwira echigongo. Araabha guri‑wo omusango gunu enikenwa okumufwira echigongo, ndamufwiriiye echigongo imbere ya Kirisito inguru yeemwe,

1 Bakorinto 11:30

Eyo niyo isonga agati yeemwe bhari‑mo abhajorobhoke na abharwaye bhaafu, ka wone abhandi bhafuuwe.

Ebikorwa 14:9

Omwanya gunu Pawuro aaraasyaga, omuunu oyo wone aariga eenyanjire awo ˆnaamutegeresyaga. Pawuro ˆnaamuringira nekeneke, ˆnaarora ati, ari na eriikirisya rya okuwosibhwa.

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Yowana 2:25

Omwene ꞉ateendere omuunu woonewoone okumubhwira jinu abhaanu bheeganirisyaga, kwa okubha ꞉aamenyere joone jinu jaariga jiri mu‑mwoyo gwa bhuri muunu.

Ruuka 8:48

Mbe, Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo! Nuugende na omurembe.”

Mariko 5:34

Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo. Nuugende na omurembe, obhurwaye bhusige okukusubha‑ko rindi.”

Matayo 9:5

Woori ni guuya omwangu okukira ogundi? Okumubhwira ati, ‘Waafwirwa echigongo ebhibhiibhi bhyawo,’ amwi okumubhwira ati, ‘Imereeguru, uribhate’?

Mariko 2:6

Nawe, bhaariga bhari‑wo abheeyigisya abharebhe bha ebhiraagiro bhya Muusa bheenyanjire omwo. Nibheeganirisya mu‑myoyo jeebhwe ati,