Mariko 16:10 - Indagano Inyaaya mu-Chijita

¹⁰ Maryamu oyo ˆnaagenda, ˆnaabhwira bhanu bhaariga bhari aamwi na Yeesu, na omwanya ogwo bhaariga nibharira na okusurumbara.

INDAGANO INYA:YA

¹⁰ Oyo nagenda nababwira banu baengyanyaga nage kuso:ka kara, banu bariga basurumbae no kurira.

Mariko 16:10 Referans Kwoze

Yowana 20:18

Mbe Maryamu wa Magidara ˆnaagenda ku‑bheeyigisibhwa bha Yeesu, ˆnaabhabhwira ati, “ˆNaarora Raatabhugenyi!” Mbe, ˆnaabhabhwira joone jinu Yeesu ꞉aamuragiriiye.

Yowana 16:6

Mwasurumbara muno mu‑myoyo jeemwe, kwa okubha naabhabhwira ati enigenda ku‑Raata.

Ruuka 24:17

ˆNaabhabhuusya ati, “Ni misango ki jinu omuribhaata nimusimura ku‑njira kunu?” Abheene nibheemereeguru bhasurumbaayega.

Mariko 14:72

Awoawo, rikookorome nirikookoroma rwa kabhiri. Awoawo, Peetero ˆneechuka omusango gunu Yeesu ꞉aamubhwiriiye ati, “Rikookorome richaari okukookoroma kabhiri, owubha waanyigaanire kasatu.” Peetero ejire eechuka ogwo, ˆnaarira amasiga mogomogo.

Matayo 9:15

Yeesu ˆnaabhasubhya ati, “Angu, abhaanu bhanu bhakokerwe mu‑bhuregesi, abhatura kutiki okusurumbara omutwasi achaari aamwi nabho? Nawe jisiku ejiija, jinu omutwasi arisoosibhwa‑wo. Mbe ku‑mwanya ogwo, niwo bhariiyima okurya ebhiryo.

Matayo 24:30

“Ku‑mwanya ogwo, echibharikisyo cha Omwana wa Omuunu chiribhonekana ku‑rutumba, na abhaanu bha amaanga goone bharyamba okurira kwa okuyaya. Runu niriija, abhaanu bhoone bharindora niri mu‑meere niri na amanaga na rikusyo rikuru.

Matayo 19:22

Omusigaji oyo ejire oongwa omusango ogwo, ˆnaagenda asurumbaaye, kwa okubha aariga ari muniibhi muno.