Mariko 13:6 - Indagano Inyaaya mu-Chijita

⁶ Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Abhaanu abho bharibha nibhajiga abhaanu bhaafu.

INDAGANO INYA:YA

⁶ Ba:fu bari:ja mwisi:na ryani niba:ika ati, anye nanye Oyo, na ka bariyabya ba:fu.

Mariko 13:6 Referans Kwoze

Mariko 13:22

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo na ebhiruguusyo, korereki bhajige abhaanu na araabha ikaturikeene, bharegeeje okujiga na abhasorwa bha Nyamuwanga.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Yowana 8:24

Nikwo okukora naabhabhwira ati, murifwa ku‑songa ya ebhibhiibhi bhyemwe. Mbe, araabha mutakwikirisya ati, ‘Anye Niwe,’ murifwa ku‑songa ya ebhibhiibhi bhyemwe.”

Yowana 5:43

Anye niijire ku‑bhuturo bhwa Raata waani, nawe emwe omurema okundamira. Nawe omuunu owundi akaaja ku‑bhuturo bhwaye omwene, omuja okumuramira.

Matayo 24:11

“Ku‑mwanya ogwo, bharibhaga nibheebhuka abharagi bhaafu bha orubheeyi, bhajige abhaanu bhaafu.

Matayo 24:5

Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Abhaanu abho bharibha nibhajiga abhaanu bhaafu.

Mariko 13:5

Niwo Yeesu ˆnaamba okubhabhwira ati, “Mwiyangarire, omuunu woonewoone aasiga okubhajiga!

Mariko 13:7

Ku‑mwanya ogwo, muribha nimuungwa emisango ja riremo na okubhubhuutwa kwa riremo. Mwasiga okuyaya, kwa okubha ejo jeenderwe jikorekane, nawe obhuteero bhwa echaaro obhubha bhuchaari okukinga.

Yowana 8:28

Mbe, Yeesu ˆnaabhabhwira ati, “Omwanya gunu murinsunga inguru ku‑musarabha, awo niwo murimenya ati anye naanye Omwana wa Omuunu. Ka wone murimenya ati joone jinu enikora, nitakujikora ku‑bhuturo bhwani omwene, tari naayika jinu Raata ꞉aanyiyigisiisye.