Mariko 10:21 - Indagano Inyaaya mu-Chijita

²¹ Yeesu ˆnaamuringira nekeneke, ˆnaamwenda, ˆnaamubhwira ati, “Ugerukiiywe‑wo omusango gumwi. Genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara uuje, unduubhe.”

INDAGANO INYA:YA

²¹ Yesu namurora, namwenda. Namubwira ati, Ugerukireko musango gumwi. Genda, uka:ne byone binu uri nabyo, ugabire abataka, nikwo uriba no buni:bi mu rwire. Niwo u:je, ugege omusaraba gwao, undu:be.

Mariko 10:21 Referans Kwoze

Obhusweruro 2:4

Nawe, muri na omusango gumwi gunu guchaannyaasya. Musigire eryenda ryemwe rinu mwariga muri naryo omwanya gunu ꞉mwaambire okunnyikirisya.

Ruuka 10:42

Nawe, guri‑wo omusango gwa ekisi gumwi era okukira joone. Omusango ogwo ni kuntegeresya anye. Ogwo nigwo omuyara oweejaanyu Maryamu eetoora. Atari‑wo omuunu woonewoone unu kaatura okumuteesya omusango ogwo.”

Yakobo 2:10

Omuunu woonewoone, akagayuka ebhiraagiro bhyone, nawe ˆnaanyamura echiraagiro chimwi, oyo kaabharwa ati, anyamuuwe bhyone.

Ebikorwa 2:45

Bhaariga nibhagusya ebhiinu bhyebhwe na jipirya jinu bhaabhonaga, bhaajigabhanyaga, okuruubhana na obhukene bhwa bhuri muunu.

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Matayo 16:24

Mbe, Yeesu ˆnaabhwira abheeyigisibhwa bhaaye ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Obhusweruro 2:20

Nawe, muri na omusango gumwi gunu guchaannyaasya. Emwe omwikirisisya omugasi unu kaatogwa ati Yejebheeri. Omwene keetoga ati ni omuragi, nawe atari omuragi. Mumwikirisiisye abhajige emwe abhakosi bhaani, kwa okubheeyigisya mukore obhuromesi na okurya ebhiryo bhinu bhisoosiibhwe echoogo ku‑masusano.

Obhusweruro 2:14

Nawe, muri na emisango emitooto jinu jichaannyaasya. Agati yeemwe bhari‑wo abhaanu bhanu abharuubha ameeyigisyo ga Bharaamu. Bharaamu oyo, ꞉eeyigisiisye Bharaaki okuteganya Abhayisirayeeri korereki bhakore echibhiibhi cha okurya ebhiryo bhinu bhyariga bhisoosiibhwe echoogo ku‑masusano na okukora obhuromesi.

Baeburania 10:34

Mwariga nimufwira echigongo abheejaanyu bhanu ꞉bhaabhoyerwe mu‑mabhoyero. Ka wone omwanya gunu ꞉mwateesibhwe ebhiinu bhyemwe, ꞉mwegumiirisiisye kwa rikonderwa, kwa okubha emwe ꞉mwamenyere ati muri na ebhiinu bhya ekisi muno bhinu bhitariwaa‑wo wuri.

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Mariko 8:34

ˆNaabhirikira echise cha abhaanu aamwi na abheeyigisibhwa bhaaye, ˆnaabhabhwira ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Ruuka 19:41

Yeesu ejire aarebherera okukinga Yerusareemu, ˆnaarora omusi ogwo, ˆnaamba okuguririra.

Ruuka 9:23

Yeesu ejire aamara, ˆnaabhwira abhaanu bhoone ati, “Omuunu woonewoone unu keenda okunduubha, eenderwe eeyigaane omwene, abhature omusarabha gwaye, anduubhe.

Matayo 19:21

Yeesu ˆnaamubhwira ati, “Araabha oweenda okubha omuunu unu akuumiiye, genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara, uuje unduubhe.”

2 Bakorinto 12:15

Anye enikondererwa okusoosya ebhiinu bhyani noorwo okwisoosya anye omwene, korereki nibhasakire. Nawe ejibhonekana ati, omwanya gunu anye enigenderera okubheenda muno, niwo emwe omugerura eryenda ryemwe kw‑anye.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Ruuka 16:9

Ka wone, enibhabhwira ati, obhuniibhi bhwa echaaro chinu bhuriwaa‑wo. Woori, musakirega abhaanu abhandi ku‑bhuniibhi bhunu muri nabhwo, niwo muribhonera abhasaani. Araabha murikora kutyo, Nyamuwanga aribhakuma mu‑bhwikaro bhwaye bhwa akajaanende koone.

2 Timoteo 3:12

Nyabhuriko, bhoone bhanu abheekirisya Kirisito Yeesu na abhakena okurama na okuramya Nyamuwanga, bharinyaasibhwa.

Mariko 10:22

Nawe, omuunu oyo ejire oongwa omusango ogwo, ˆnaafwa omutima. ˆNaagenda asurumbaaye muno, kwa okubha aariga ari muniibhi muno.