Mariko 1:25 - Indagano Inyaaya mu-Chijita

²⁵ Yeesu ˆnaagonya risambwa eryo ˆnaaribhwira ati, “Jibhira! Sooka mu‑muunu unu!”

INDAGANO INYA:YA

²⁵ Yesu nagugonya na:ika ati, Jibira, umuso:kemo.

Mariko 1:25 Referans Kwoze

Mariko 1:34

Yeesu ˆnaawosya abhaanu bhaafu bhanu bhaariga bhari na amarwara ga bhuri mbaga. Ka wone, ˆnaabhasoosya‑ko amasambwa maafu, nawe ꞉ateekirisisiisye amasambwa gaayike, kwa okubha gaariga gamumenyere ati ni Mwana wa Nyamuwanga.

Ebikorwa 16:17

Omugayagasi oyo, aariga ˆnaaruubhirira Pawuro na eswe, ˆnaamwayaga, ˆnaayikaga ati, “Bhanu ni abhakosi bha Nyamuwanga unu ari Inguru ya Bhyone. Bhari anu okubhamenyesya injira ya okuchungurwa.”

Ruuka 4:41

Aamwi na ejo, Yeesu ꞉aasoosiisye amasambwa okusooka mu‑bhaanu bhaafu muno, nigamwaya nigaayikaga ati, “Awe uri Mwana wa Nyamuwanga!” Nawe Yeesu ˆnaagagonya na ꞉ataagekirisisiisye okugenderera okwayika kutyo rindi, kwa okubha gaariga gamenyere ati, Yeesu niwe Kirisito.

Mariko 9:25

Yeesu ejire aarora ati echise cha abhaanu echiiyongesya okumwiyinda, ˆnaagonya risambwa rirya, ˆnaayika ati, “Awe risambwa! Naawe owukora omwana unu okubha omujibhi na owa amatwi. Woori enikugonya, sooka mu‑mwana unu, na waasiga okuregeeja okumwingira rindi!”

Ruuka 4:35

Yeesu ˆnaagonya risambwa eryo, ˆnaaribhwira ati, “Jibhira! Sooka mu‑muunu unu!” Awoawo, risambwa eryo ˆnirimugwisya aasi imbere ya abhaanu abho bhoone. Ryejire ryamara okumugwisya aasi imbere ya abhaanu abho bhoone, nirimusooka‑mo okumuwutaasya wuri noorwo na akatyari.

Matayo 9:30

Awoawo, ameeso geebhwe nigeeguka, nibharora. Yeesu ˆnaabhakomeeresya muno, ˆnaabhabhwiraga ati, “Mwasiga okubhwira omuunu woonewoone omusango gunu!”

Mariko 1:24

ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Mariko 1:26

Risambwa eryo, ˆnirimugwisya aasi rwa omuunu unu aguuye echitwe, ˆnirikunga na okumusooka‑ko.