Mariko 1:21 - Indagano Inyaaya mu-Chijita

²¹ Niwo Yeesu na abheeyigisibhwa bhaaye abhana abho nibhagenda mu‑musi gwa Kaperinaawumu. Orusuku rwa Isabhaato rwejire rwakinga, nibheengira mu‑nju ya eriikofyanyo rya Abhayawudi, Yeesu ˆnaamba okwiyigisya.

INDAGANO INYA:YA

²¹ Nibengira Kaperinaumu. Aonao nengira mu rikofyanyisyo ku rusiku rwa isabato, ne:igisya.

Mariko 1:21 Referans Kwoze

Mariko 6:2

Orusuku rwa Isabhaato rwejire rwakinga, ˆnaamba okwiyigisya abhaanu mu‑nju ya eriikofyanyo. Abhaanu bhaafu bhanu ꞉bhaamutegeresiisye bhaariga nibharuguura, nibhabhuusyanyaga ati, “Yego! Ka unu abhwene aaki emisango jinu joone? Ka wone, abhwene aaki obhwengeeso bhwone bhunu na obhuturo bhwa okukora ebhiruguusyo rwa ebhyo?

Mariko 1:39

Niwo ˆneeyinda mu‑mukoowa gwone gwa Gariraaya na okuraasya mu‑nju ja ameekofyanyo geebhwe, enu ˆnaasoosyaga amasambwa mu‑bhaanu.

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Ebikorwa 17:2

Pawuro ˆneengira mu‑nju eyo, okuruubhana na itungwa yaaye kutyo yaariga iri. Jisabhaato esatu joone jinu ꞉jaaruubheene, eeresyaga abhaanu emisango jinu jiri mu‑Bhikaame Ebhyeru,

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Matayo 4:13

Gariraaya eyo, Yeesu ˆnaawuma okusooka mu‑musi gwa Najareeti, ˆnaagenda okwikara mu‑musi gwa Kaperinaawumu. Kaperinaawumu ni musi gunu guri ku‑ngego ya inyanja ya Gariraaya, gusijeene na ebhyaro bhya Jaabhurooni na Naafitaari.

Ruuka 13:10

Rusuku rumwi, ruri rusuku rwa Isabhaato, Yeesu aariga ari mu‑nju ya eriikofyanyo, ˆneeyigisyaga abhaanu.

Ruuka 10:15

“Emwe abhaanu bha Kaperinaawumu, omwitogera ati Nyamuwanga aribhariinyagisya abhakingye mu‑rwire? Wuri, mutarikorerwa kutyo! Nawe aribhooromosya abhakingye mu‑nyombe!”

Ruuka 4:16

Orusuku rumwi, Yeesu ˆnaagenda iika ewaabho Najareeti, enu ꞉aakuriiye. Orusuku rwa Isabhaato rwejire rwakinga, ˆneengira mu‑nju ya eriikofyanyo rwa kutyo aariga anarire. ˆNeemereeguru asome omusango gwa Nyamuwanga.

Mariko 10:1

Niwo Yeesu na abheeyigisibhwa bhaaye nibhasooka Kaperinaawumu erya, nibhagenda mu‑mukoowa gwa Yuudeya. Nibhatura na okwambuka ku‑ngego ya omusima gwa Yorodaani. Ebhise bhyafu bhya abhaanu bhyamwiyindaga, na aabheeyigisyaga rwa kutyo aariga anarire okukora.

Mariko 2:1

Mbe, Yeesu ˆnaasubha rindi mu‑musi gwa Kaperinaawumu. Jejire jaatura siku nooto, abhaanu nibhoongwa ati aasubha iika.

Mariko 1:20

Awoawo, ˆnaabhabhwira ati bhamuruubhe, bhabhe abheeyigisibhwa bhaaye. Nibhasiga esemwene aamwi na abhakosi bhaaye mu‑ngama, nibhamuruubha.

Mariko 1:29

Yeesu na abheeyigisibhwa bhaaye abho, bhejire bhaasooka mu‑nju ya eriikofyanyo rya Abhayawudi, nibhagenda wa Simooni na Andereya.

Mariko 1:33

Abhaanu bhaafu okusooka mu‑musi omwo nibhabhugana ku‑rubhuga rwa inju ya Simooni na Andereya.

Mariko 3:1

Rusuku orundi rwa Isabhaato, Yeesu ˆneengira mu‑nju ya eriikofyanyo. Mu‑nju omwo aariga ari‑mo omuunu unu afuuwe okubhoko.

Ruuka 4:23

Yeesu ˆnaabhabhwira ati, “Nimenyere ati omuja okumbwira orugani runu, ‘Muragusi, woori wiragure awe omwene!’ Ka wone, ‘Ebhiruguusyo bhinu ꞉choonguuwe ati waariga nuubhikora Kaperinaawumu eyo, mbe woori nuubhikore na mu‑ruguuyo rwawo anu!’”