Mariko 1:11 - Indagano Inyaaya mu-Chijita

¹¹ Obhuraka okusooka mu‑rwire nibhwayika ati, “Awe naawe Omwana waani omwendwa! Naawe owunkondisya!”

INDAGANO INYA:YA

¹¹ Oburaka nibuso:ka mu rwire nibwaika ati, Na:we Omwana wani omwendwa, unu ounkondisya muno.

Mariko 1:11 Referans Kwoze

Mariko 9:7

Niwo eriire niriija, niribhafundikira. Nibhoongwa obhuraka okusooka mu‑riire eryo, nibhwayika ati, “Unu niwe Omwana waani omwendwa. Mumutegeresyega!”

Matayo 3:17

Niwo, obhuraka okusooka mu‑rwire nibhwayika ati, “Unu niwe Omwana waani omwendwa, niwe kaankondisya.”

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Yowana 5:37

Noorwo Raata omwene unu ꞉aantumire, niwe aasoosya kw‑imwe obhubhambaasi inguru yaani. Emwe muchaariga okuungwa obhuraka bhwaye, noorwo okurora orususo rwaye kutyo ruri.

Yowana 1:34

Niwo Yowana ˆnaayika ati, “Anye naarora emisango ejo, na enisoosya obhubhambaasi ati, oyo niwe Omwana wa Nyamuwanga.”

Ruuka 9:35

Nibhoongwa obhuraka okusooka mu‑riire eryo, nibhwayikaga ati, “Unu niwe Omwana waani, omusorwa waani! Mumutegeresyega!”

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Yowana 6:69

Eswe echiikirisya, ka wone chimenyere ati, awe naawe Omweru wa Nyamuwanga.”

Matayo 12:18

“Ringira, unu niwe omukosi waani unu nisorere. Unu niwe omwendwa waani unu kaankondisya omwoyo gwani. Nirimuyaana Mwoyo gwani, korereki araasye obhuchungusi ku‑bhaanu bha amaanga goone.

Mariko 1:10

Omwanya gunu Yeesu aariinyaga okusooka mu‑manji, awoawo ˆnaarora orwire nirwiguka, na Mwoyo Mweru ˆneeka inguru yaaye rwa echiguuti.

Ruuka 3:22

Mwoyo Mweru ˆneeka inguru yaaye rwa echiguuti, obhuraka nibhusooka mu‑rwire, nibhwayika ati, “Awe naawe Omwana waani omwendwa! Naawe owunkondisya!”