Filemoni 1:24 - Indagano Inyaaya mu-Chijita

²⁴ Ka wone, abhakosi bheejaasu Maariko, Arisitaariko, Deema na Ruuka, abhakukeesya.

INDAGANO INYA:YA

²⁴ Na Mariko, na Arisitariko, na Dema, na Luka ababake:sya, nibo abakosi be:ja:su.

Filemoni 1:24 Referans Kwoze

Bakolosai 4:14

Ruuka omuragusi weeswe omwendwa aamwi na Deema, abhabhakeesya.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

Ebikorwa 19:29

Omusi gwone gwa Yefeeso nigwijura injogere. Abhaanu nibhagwata Gaayo na Arisitaariko, abhaanu bha Makedooniya bhanu bhaariga nibharibhata aamwi na Pawuro, nibheengira nabho bhwangu mu‑rubhuga rwa obhwenywa.

Ebikorwa 12:12

Peetero ejire aamenya ejo, ˆnaagenda aroobhere mu‑nju ya Maryamu nyiramwene Yowana, unu aatogwaga Maariko. Mu‑nju eyo nimwo abheekirisya abhaafu bhaariga bheekofyanyiisye nibhasabhirwaga Peetero ku‑Nyamuwanga.

Ebikorwa 27:2

Nichiriinya mu‑ngarabha imwi ya mu‑musi gwa Adiraamiti inu yaariga niigenda na okugobha ku‑bhigobhero bhya omukoowa gwa Asiya. Chejire chaamba orugendo rweswe, chaariga chiri aamwi na Arisitaariko, wa mu‑musi gwa Tesaroonike mu‑mukoowa gwa Makedooniya.

Ebikorwa 12:25

Bharinaabha na Saawuri, bhejire bhaamara emirimu jeebhwe ja okusira obhusakisi Yerusareemu, nibhagega Yowana unu aatogwaga Maariko, nibheemuka nage Yerusareemu okusubha mu‑musi gwa Atiyookiya.

3 Yoana 1:8

Kurwa ejo, eswe wone, echikenwa okusakira abhaanu rwa abho. Kwa okukora kutyo, echibha chisangiiye aamwi nabho ku‑mirimu ja okuraasya echimari.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

Bafilipi 2:25

Emwe, ꞉mwatumire Epafurodiito kw‑anye okusankira na okufurubhendera obhukene bhwani. Woori, enirora ati ni kisi nimutume rindi kw‑imwe. Omwene ni mwikirisya oweejaasu, omukosi weejaasu wa emirimu ja Nyamuwanga na ni musirikare oweejaasu mu‑kurwanirira Emisango ja Ekisi.

2 Bakorinto 8:23

Woori araabha omuunu keenda okusombookerwa emisango inguru ya Tiito, omwene ni mukosi weejaasu, unu kaakora emirimu aamwi na anye ku‑njira ya okubhasakira emwe. Araabha omuunu keenda okusombookerwa emisango inguru ya abhandi bhanu abhaaja aamwi nage, abho ni bhayiri bheeswe mu‑riikirisya, bhatumirwe na amakanisa, abheene wone abhakusya Kirisito.

Ebikorwa 13:13

Pawuro na abheejaabho nibhasooka Paafo awo. Nibhatura mu‑ngarabha nibhagenda nibhasikirira mu‑musi gwa Perege mu‑mukoowa gwa Pamufiriya. Yowana Maariko ˆnaabhasiga awo, ˆnaasubha Yerusareemu.

1 Petero 5:13

Abheekirisya bha rikanisa rinu riri Bhaabheeri, abhasorwa abheejaanyu, abhabhakeesya. Noorwo Maariko, omwana waani mu‑riikirisya, kaabhakeesya.