Filemoni 1:16 - Indagano Inyaaya mu-Chijita

¹⁶ Okwambira woori, omwene atari rwa omugaya era kw‑awe, tari omwene ari na ingʼoryo muno okukira omugaya, ari rwa omuyiri omwendwa. Anye enimwenda muno, awe urimwenda okukira anye, rwa omugaya mu‑nju yaawo, ka wone rwa omuyiri mu‑Raatabhugenyi Yeesu.

INDAGANO INYA:YA

¹⁶ Atacari mugaya rindi, nawe kukira omugaya, abee mwana wa:su omwendwa mu mubiri na mu Ratabugenyi, okukira muno kwanye, nawe kwawe kukirao muno.

Filemoni 1:16 Referans Kwoze

Bakolosai 3:22

Emwe abhagaya, mugayukega abhaami bheemwe bha echinyamubhiri ku‑misango joone. Mwasiga okukora kutyo omwanya gunu abhabharora era, korereki mwikondye ku‑bheene ati mwiyire, tari mubhayaane echibharo omwanya gwone mu‑mutima omweru, kwa okubha omuyaana echibharo Raatabhugenyi Yeesu.

Matayo 23:8

“Nawe emwe, musige okwikirisya okubhirikirwa, ‘omwiyigisya,’ kwa okubha muri na Omwiyigisya umwi era, na emwe bhoone muri bhayiri.

1 Timoteo 6:2

Araabha abhagaya bhari na abhaami abheekirisya bhasige okubhagaya, kwa okubha abheene wone ni bhayiri. Abhagaya abho, abhakenwa bhabhakorere ja ekisi muno, kwa okubha abhabha nibhasakira abheekirisya abheejaabho, ka wone ni bheendwa bheebhwe. Ejo ujiiyigisye na okujikomeeresya.

1 Bakorinto 7:22

Naayika ati ogwo gwasiga okukunyaasya, kwa okubha omuunu unu aariga ari mugaya omwanya gunu ꞉aabhirikiiywe na Raatabhugenyi, oyo ni mwitaage ku‑Raatabhugenyi. Ka unu aariga ari mwitaage omwanya gunu ꞉aabhirikiiywe, oyo ni mugaya wa Kirisito.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Ebikorwa 9:17

Mbe, Ananiiya ˆnaagenda, ˆneengira mu‑nju eyo. ˆNaamutuura‑ko amabhoko, ˆnaayika ati, “Saawuri waasu, Raatabhugenyi aantuma kw‑awe, korereki urore na wijusibhwe Mwoyo Mweru. Raatabhugenyi oyo niwe Yeesu, unu ꞉aakusoromokeeye ku‑njira omwanya gunu waajaga enu.”

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.