Filemoni 1:1 - Indagano Inyaaya mu-Chijita

¹ Inyarubha inu, niikaamire anye Pawuro, omubhoywa inguru ya okuraasya Emisango ja Ekisi inguru ya Kirisito Yeesu. Enikaamira awe Firemooni. Anye na omuyiri weeswe Timoteewo, echikukeesya awe omwendwa weeswe, omukosi weejaasu.

INDAGANO INYA:YA

¹ Anye Paulo, omuboywa wa Kristo Yesu, aamwi na Timoteo owasu, ku Filemoni, omwendwa no mukosi we:ja:su,

Filemoni 1:1 Referans Kwoze

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Filemoni 1:9

Inguru ya eryenda ryawo kw‑anye, naarora ati, ni kisi muno nikusabhwe. Anye Pawuro, omukaruka na omubhoywa inguru ya okuraasya Emisango ja Ekisi ja Kirisito Yeesu,

Bakolosai 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya.

Bafilipi 2:25

Emwe, ꞉mwatumire Epafurodiito kw‑anye okusankira na okufurubhendera obhukene bhwani. Woori, enirora ati ni kisi nimutume rindi kw‑imwe. Omwene ni mwikirisya oweejaasu, omukosi weejaasu wa emirimu ja Nyamuwanga na ni musirikare oweejaasu mu‑kurwanirira Emisango ja Ekisi.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

Bakolosai 4:11

Yeesu wone, unu kaatogwa Yuusito, kaabhakeesya. Agati ya Abhayawudi bhanu bheekirisiisye Kirisito, abho era nibho abhakora emirimu aamwi na anye mu‑bhukama bhwa Nyamuwanga. Abheene abhasimbiisya omwoyo gwani muno.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

2 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata weeswe Nyamuwanga na Raatabhugenyi Yeesu Kirisito.

Baefeso 6:20

Anye niri omuraasya wa Emisango ja Ekisi ejo, ka wone nijo jikorere nimboywa amaseega. Mbe munsabhirwe, korereki nijiraasye na ribhaasi, rwa kutyo eneendwa.

Ebikorwa 16:1

Pawuro ˆnaagenda mu‑misi ja Deeribhe na Risitura. Risitura eyo aariga ari‑wo omwiyigisibhwa umwi wa Yeesu, risiina ryaye aatogwaga Timoteewo. Nyiramwene aariga ari Omuyawudigasi, omwene aariga ari mwikirisya wa Yeesu, nawe esemwene aariga ari Muyunaani.

Bagalatia 3:26

Woori, emwe bhoone muri bhaana bha Nyamuwanga kwa eriikirisya ryemwe, kwa okubha muri na obhumwi na Kirisito Yeesu.

Bafilipi 1:1

Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

Filemoni 1:23

Epaafura, unu abhoyerwe aamwi na anye inguru ya Kirisito Yeesu, kaakukeesya.