Ebikorwa 9:33 - Indagano Inyaaya mu-Chijita

³³ Mu‑musi omwo, ˆnaabhugana na omuunu, risiina ryaye aatogwaga Ayineeya. Oyo aariga afuuwe omubhiri, amaamire kw‑iraro omwanya gwa emiguuga etaanu na esatu.

INDAGANO INYA:YA

³³ Nasangayo omu:nu risi:na ryae Ainea, unu ariga ama:mire ku buriri emyaka eta:nu ne:satu, ariga afu:ye amaguru.

Ebikorwa 9:33 Referans Kwoze

Ruuka 13:16

Mbawo, omugasi unu ni wa mu‑ruganda rwa Bhurayimu, aamarire emiguuga ekumi na etaanu na esatu, abhoyerwega na Syetaani. Mbe, omwene wone jiteenderwe asuruumurwe okusooka mu‑ndwara ku‑rusuku rwa Isabhaato?”

Ebikorwa 14:8

Mu‑musi gwa Risitura, aariga ari‑mo omuunu umwi unu aariga aremaaye okusookerera okwibhurwa kwaye, aariga atakutura okuribhata wuri.

Ebikorwa 4:22

Okubha ꞉bhaamenyere ati omuunu unu ꞉aawosiibhwe aariga ari murema okusookerera okwibhurwa kwaye, aariga akingiisye emiguuga makumi gana.

Ebikorwa 3:2

Mu‑rubhuga rwa Riyekaru awo, ryariga riri‑wo rirango rinu ryatogwaga ati, Rirango rya Ekisi. Ku‑mbari ya rirango eryo, aariga ari‑wo omuunu ari murema okusookerera okwibhurwa kwaye. Bhuri rusuku omurema oyo, aariga ˆnaabhaturwa na abhaanu na okutuurwa ayeeyi na rirango eryo, korereki asabhiirisye jipirya ku‑bhaanu bhanu bhaariga nibhayitingʼana okwingira mu‑rubhuga rwa Riyekaru.

Yowana 9:21

Nawe chitakumenya chinu chaakora ˆnaarora, ka wone chitakumenya omuunu unu ꞉aamuwosiisye ameeso. Mumubhuusye omwene, kwa okubha ni muunu mukuru, kaatura okwayika.”

Yowana 9:1

Orusuku rumwi, Yeesu aaribhataga ku‑njira, ˆnaarora omuunu umwi unu aariga ari muwofu okusookerera okwibhurwa kwaye.

Yowana 5:5

Mu‑bharwaye abho, aariga ari‑mo omumura umwi unu aariga ari murwaye kwa omwanya gwa miguuga makumi gasatu na etaanu na esatu.

Mariko 9:21

Yeesu ˆnaabhuusya esemwene omwana oyo ati, “Ebhinyaasyo bhinu bhyamwambire ri?” Esemwene ˆnaayika ati, “Okwambira ku‑bhwana bhwaye.

Mariko 5:25

Mu‑chise echo, aariga ari‑mo omugasi unu aariga arwaye echisiiro emiguuga ekumi na ebhiri.

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

Ebikorwa 9:32

Peetero aariga ˆnaagenda mbaara nyafunyafu. Rusuku rumwi mu‑rugendo rwaye, ˆnaakinga mu‑musi gwa Ruuda okuribhatira abheeru bha Nyamuwanga bhanu bhaariga bheekaaye eyo.

Ebikorwa 9:34

Peetero ˆnaamubhwira ati, “Ayineeya, Yeesu Kirisito aakuwosya. Iimuka! Funya riraro ryawo.” Awoawo Ayineeya ˆneemereeguru!